العيد ومعاناة أهل الهوى فية ,,,
العيد جعلة الله فرحة للمسلمين بعد الأنتهاء من صيام وقيام شهر كامل
ولكن بعض الناس يمر علية العيد كسائر الأيام لا بل أسوء وهذة مقتطفات
من بعض ما قيل من بعض الشعراء في العيد :
كل يبارك وسط الافراح بالعيد
وانا اشوف الموت بـ افراح عيدي
صار الفرح هم وحزن وتنكيد
هذا نصيبي بالزمان العنيدي
امشي مع العالم وابارك لهم بيد
واخفي هموم القلب لكن تزيدي
كلن نهار العيد طربن بوادي
على مظنة خاطره طيب الفال
وانا تكسر عبرتي في فوادي
ما كني الا واحد ربط بحبال
العيد يا بو زيد ماهوب لي عيد
العيد للّي بالفرح طاب عيده
كل تعيد هاني عيده سعيد
وأنا بصدري الهم يغلي وقيده
ياعيــد مالك فرحتن في عيوني
نسيتني مدري زماني نساني
ماقدرت افراحك تعانق شجونـي
احزاني اكبر من كلام التهانــــي
حاولت اجاري فرحتك واكشفوني
لاجيت ابضحك ماستـــمرت ثواني
كلن نهار العيد عايد حبيبه
والتم شمل اهل القلوب المواليف
وانا حبيبي غايب الله يجيبه
يا حسرتي كان انتهى العيد ما شيف
هنيكم ياللي بذا العيد فرحين
وهنيكم يا لا بسين الجديدي
وهنيكم ياللي من الحب سالين
ما مركم حكم الغرام الشديدي
اقول في نفسي وانا اعايد الناس
مته بشوفك تكمل افراح عيدي
اجامل وربي عليم بالاحساس
وشهو شعوري وانت عني بعيدي
الى خذاني لك على السهر هوجاس
ماكاني الا وسط ربعــي وحيدي
والله يكفينا شر الهوى 
هذا وتقبلوا تحيتي وكل عام وأنتم بخير ,,
التعديل الأخير تم بواسطة شامانـ العاطفي ; 12-10-2007 الساعة 12:56 AM