مشاركة لإخواننا في سوريا والله ينصرهم على الطاغيه بشار

[poem=font="simplified arabic,5,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="=,black""]

ماعاد فالموضوع شكه ولا اسرار=وضحت وضوح الشمس من تو الاعيان
تطهير عرقي شامل اصغار وكبار=ودون الهلال الطايفي ايموت من كان
ميرالبشاير من جنابي يابشار=سقوط عرشك حان يالطاغيه حان
ماعاد ينفعك التعنت والاصرار=وفزعة مجوسن دينها شر الاديان
وماينفعك فيتو هل الروس الاشرار=وفنس الخشوم اللي لها المال عنوان
سويت شيئ ٍ مايسويه كفار=ومن اسمكم يكرم الاسد يااحويان
ذبحت شعبك يالردي سر وجهار=حتى بعضهم موتـته حلت الضان
وبعت الشرف والعرض ياهاتك العار=وبعت العروبه في رضا حاكم ايران
خل التبسم والحكي والتمخطار=ينفعك لا لكو على القصر شجعان
الشعب وقف فالنحر وقفة احرار=وبان النصر لحفاد سيف الولي بان
ارجال دون العز ماتكثر اشوار=وعزاز ماترضخ تحت ذل طغيان
لاتسويه ولا تفاوض ولا اقرار=اما النصر ولا الشهاده وغفران
لافادة البعثه ولا فاد الانذار=ولا يرتضي بالذل ياكود ذلان
وياهل الامن مجلسكم العالمي بار=في حق شعب ٍ صامد اعزل وفقران
ويسلم مليك المملكة راعي الدار=صرح علن مافيه زورن وبهتان
الله يعدي المملكة شر الاخطار=وشر الفتن ومجاذبة كل خوان
ويشهد علي اللي هدى اقلوب الابرار=القادر اللي فالفضا مدرج اكوان
لو فـالمحبه والغلا هدوة اعمار=لهدي وزير الخارجيه كحيلان[/poem]