[poem=font="Arial,5,black,bold,normal" bkcolor="transparent" bkimage="" border="solid,thin,crimson" type=2 line=0 align=center use=ex num="0,black"]


راكب اللي من الوكاله جديد وصمموه=صممه كافر خواجه وطوَر واجتهد
منوة اللي لا انمسك في بديله سلموه=مانفعه الا المصامد ورمي بالركد
افهموا وصف ابن سمحه عن الجيب افهموه=اشهد انه وصَف الجيب وصف ينحسد
شاعر من قوم لا واجهوا الخصم اكتموه=خصمهم من غفوة النوم يبطي ما رقد
حدَهم ربع ابن كردم على الحد احتموه=ممنين الجار والا الدخيل المضتهد
والخوي يأمن بهم وان لفا الدار اعزموه=والعهد في ذمتي ما يخونون العهد
فعلموا حامد مفرح بعلمي علموه=الجيوب اللي تداوج ومزعجة البلد
غيروا في مظهره يا ابن سمحه وظلموه=ما دروا باوصافه من الوكيل المعتمد
الشباب اللي بموضاتهم مادسَموه=ومن بنوك الراجحي ركبوا اجيوب جدد
استوت الامثال واللي تعلقم علقموه=مثل ما قيل استوى ابن الحصيني بالاسد
غيروا حتى بصدامه اللي قدمَوه=ونزَله راعيه من شأن يمتاز الولد
ما درا ان الجيب خارج نظام نظَموه=وصلة في مشيته كنه حبل من مسد
اشهد انه موتر المبتلي يوم ازهموه=يوم تله يا ابن سمحه على حزم جلد
كنه اللي حزة الضيق لامن والموه=يعتزي ويقول حاضر وتبشر بالسعد
للمشاكل والشغب جهزوه وولموه=وقفته كنه الشلي يوم تنخاه استعد
ماهو بمركب ردي البخت لا قيموه=الذليل اللي من الخوف لاركب ارتعد
مركب اللي ما يهاب الخطر لو عمموه=ما يخاف الا من الواحد الفرد الصمد
اتهموه ولا بقى حاجة الا ما اتهموه=وهو بري ومتهمهجعل عيناه الرمد
ذمَموا راعيه يوم الملاقا ذمموَه=ما عليه اخلاف والله ولا فكَر باحد
واستموا الجيب المقفص على الكفو استموه=وصدَروه لكل كفو ان تأخر ماورد
مثل حامد لو قلط في المجالس شيموه=صاحبي ياجعلة ايامه اسرور وسعد
الكريم ابن المكارم عزيز وكرمَوه=وافي بين الرجاجيل وعلومه سدد
وارسلوا رقمه واذا غير ذلك كلموه=بلغوه ازكى التحيات والوعد الوعد[/poem]