مرت بي الذكرى وانا خاطري شين=ذكرى زمان فات عنا وولا

وهلت على خدي دموع من العين=كني غريب عن دياره مجلا

وناديت باعلى الصوت وين المحبين=اللي معاهم عيد كان يتسلا

اللي لهم بالقلب زرع وبساتين=ولهم معاليق الضماير محلا

واخص انا يابوفهد كامل الزين=اللي اليامن جيت رحب وهلا

ترحيبة اللي شايف له عزيزين=راع اشقر من فوق متنه تدلا

والصدر كنه ينتج الخوخ والتين=والخد براق بنوره تجلا

والعين فيها من عيون الشياهين=والمبسم اللي فيه ريق محلا

واللبه اللي كن فيها رياحين=من شمها يطي وهو مسفهلا

مامثلها بالهند والسند والصين=والمانيا وماليزيا وفنزولا

وارض العرب من ليبيا لا فلسطين=ومن الجزاير لا جنوب المكلا

ذكراي هذي عام خمسه وتسعين=معا غزال بالجمال يتحلا

واليوم انا ويني وهو ياهلي وين=ضاعت عناوينه ولاني بدلا[/poem][/QUOTE]

إنشاء الله تلقاه وتلقا عنوانه

وارحب ملاااالالالالالاااااااااالالالاللالالالالالايييييي يين

قصيده رائعه وجميله وجزله
وابيض وجه ولا تخلين من حقات سبعه وتسعين إلى الفين وسته
ويامرحبابك وسط بني عمك

__________________
00000000