المشاركة الأصلية كتبت بواسطة نجم الجدي

[poem=font="Simplified Arabic,4,black,normal,normal" bkcolor="transparent" bkimage="" border="none,4,blue" type=0 line=0 align=center use=ex num="0,black"]
قصيدة وازع بن هملان ال كليفيخ الخنافر في الابل:

يا الله ياممن من العبد خوفه=وبكون تصريفه خلق كل مصنوع

يا وامرٍوبل المطر من قنوفه=ومن ارض قاعه نابتٍ كل مزروع

ويامعطيٍٍ جزل العطى من كفوفه=وليا عطى شيٍ فلا هوب ممنوع

مايمنع لوكان كلٍ يحوفه=ولوكان من دونه طوابير وجموع

تفرج لقلبٍ صورته وسط جوفه=يشدي لطيرٍفي هوى الجوبيزوع

مني خطير يطيرويجي هفوفه=لولا الستاروقاضبه صفت ضلوع

كن الهبايب با الهايب تلوفه=ومن الطواري مستصيعٍ ومصيوع

نوم المعافا لا رقد من قحوفه=وسايدي في الليل كوعٍ وكرسوع

نفسي عزيزه لزهايد عيوفه=والذ عندي من حدى القصب جربوع

واحب واغلا من ضديدي وشوفه=ابل تحلب للمسايير وربوع

حليبها زاد ودام وطروفه=من الظما يزي ويمنع من الجوع

وكم شيخ قوم من لحمها مضوفه=منها يقلط للمطاليق بمتوع

وظهورها تركب ركوب بنوفه=يفرح بها المحتاج وصعوبها طوع

البل سلاطين الحلال معروفه=تبرا لها ركابت الخيل بدروع

وسيوف هندٍمرهفه ومعكوفه=ان صوبت ولا بها الراس مقطوع

ورماح شلفٍ با اليدين محذوفه=الموت فيها والمقادير والروع

وخناجرٍمثل البروق معطوفه=وموضي المشاعل في طلب كل مطموع

وبنادقٍ مثل الرعد في رجوفه=رصاصها مثل البرد ثار بقموع

وصلاة ربي عد مانبت صوفه=وعد النبات وعد ماكان له نوع[/poem]