وسيع البنايد
[poem=font="simplified arabic,6,#000000,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
لا تعقّد حجاب الوقت وانكرت النكور =من زمانٍ يزْعل الكفو ويفوّر دمه
لاتحيزم ياوسيع البنايد بمعثور= ينكسر عظمه من الساق ويضيق نسمه
الردي يذبح ويسدح ليا زانت لمور =وإن عبس وجه المقادير حاشاك رخمه
إن لقاله منتق منك ولاّك الدبور= وإن قعد دنق براسه وجاء فيه طرمه
والمصيبه كلها جعل تفداك العسور = لاجت الرجال من بين دمه ولحمه
لوتعذر بارد الوجه ماهو بمعذور =كبه ويبقى وجوده سوا هو وعدمه
واحتزم بالوافي اللي على الطيب مخبور=واحد يقاف ولا عسّم الشور عسمه
لازهمته في وجيه الشدايد مايبور = فعله يبرهن وجوده قبل تنطق فمه
خوته ماهي بخوة قصيرين الشبور = قاسيٍ راسه وراسيٍ على العز قدمه
ماتغيْره الليالي ولاحوله قصور = من خلقه الله والطيب في شخصه سمه
جعل ربي من لجاويد مايخلي الحضور= كل قرمٍ ذاع فالناس طيبه وكرمه
وجعل ماجا روس الاجواد في الدنيا طهور =دامها للصدق والصبر عينه وعلمه[/poem]
__________________
[poem=font="Simplified Arabic,5,black,bold,normal" bkcolor="transparent" bkimage="" border="none,5,gray" type=0 line=0 align=center use=ex num="0,black""]
حنّا زهير أهل الوفا وأهل الكرم = وأهل المواقف فزعة المضهود
الضيف يلقى عندنا طيب وشحم = وأما المعادي سلّة وبارود
تاريخنا من قبل رفراف العلم = عــزٍ عباد الله عليه شهود [/poem]
فاصل
[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
بعض العرب معاد نسمع خبرها =مدري حيا ولّى مع الميتيني
ناسٍ تغيب سنين محدٍ ذكرها= وناسٍ تغاب أيام كنها سنيني
[/poem]