[poem=font="simplified arabic,5,black,normal,normal" bkcolor="transparent" bkimage="backgrounds/2.gif" border="solid,4,gray" type=2 line=0 align=center use=ex num="1,black""]
يا هل المرقاب قلبي من حديد=كانها باللي نشوفه كانها

الجماجم ضاقت بنزف القصيد=والمشاعر فيّضت وجدانها

واشجرة فكري بها من كل صيد=البيوت اللي وزت باغصانها

وانعقد رايي على الصيد الفريد=مضرب البندق على نيشانها

والعيون اتشوف والعالم تشيد=يا عسانا نكسب استحسانها

كلّها لجل العقيد ابن العقيد=من رجالٍ ما يغرّك شانها

الملك عبدالله الحرّ العنيد=هو حزام المملكه وامانها

مغرقٍ حبّه معاليق الوريد=والغلا يجري مع شريانها

انجز انجازات واسّس من جديد=والامم تعرف صقر ميدانها

صيرمي شيهان واشبوحه بعيد=والشرايد من كفوفه عانها

جمّع العالم بعد جهدٍ جهيد=للحوار وباختلاف اديانها

وانقذ اللي من ورى بابٍ حديد=والزنازن فكّكوا بيبانها

والمواطن عاش في عيشٍ رغيد=والوظايف فجّروا بركانها

يعطي امره والمواطن مستفيد=والعرب لدّت عليه اعيانها

حامي احدود الوطن من كلّ كيد=والافاعي قالعٍ نيبانها

وان دهم جسم السعوديه صديد=جعل عيني ما تذوق احزانها

يا ولد عبدالعزيز امرك سديد=والاوامر واضحٍ عنوانها

انت ابونا يا جعل عمرك مديد=والسفينه دونها ربّانها

والمواثيق القويه ما تبيد=سوّد الله وجه رجلٍ خانها

انت شيكٍ والمواطن لك رصيد=وانت بيرق للامم واوطانها[/poem]

__________________
الحمد لله