يا الربع اذكروا الله

الامور هذي امرها لله وللدوله وفقها الله

اما ما يشاع ان اليامي كان ضيف فغير صحيح والرجال رقيب متقاعد عمره حول الخمسين ويمشي مع ابو 19 سنه هذي لحالها شبهه

ثم لونه ضيف كان انعرف يوم ربعه الياميه يدورون عليه لهم سبوع وزياده

والضيف يدخل مع الباب ويقلط في مجالس الرجال ولو كان كذلك كان عرفوه ال عائذ وال الهطلاء لكنه مع شله ولهم وضع غريب الله اعلم به

الامر غريب ولا نبي ندخل في تفاصيل سوف تبان للناس جميع بعد ايام قلائل

وهذه حادثه فرديه لا تمثل يام ولا عبيدة لكن الشيطان يلعب دور ويكبر الموضوع

والجاني في يد العداله

والجيره تعور المجور فقط والرجال كان يجور حتى ذباح ابوه اذا نصاه ودخل داره سلم عليه القبايل اول وتالي
اما انه ما يجور المعفي فهذا يخصه ونقيصه في حقه عند الرجال اللي يطعمون الكلام

اما الجور لوله فهي تجور الجاني المذنب والله لا يردها

واقلها جيرة لسود وهي ثمان ايام مجليات تجلي الجاني وليس المعفي

والسواد يحيط بالجاني وبفعله
ولا لأهل المجني عليه من اهل الجاني الا الوافيه انهم لا دروا ولا تمالوا ولا رضوا

وهذي وافيه


واتهام الناس والقبائل بالباطل ورمي الكلام بدون دليل هذا درب السفهان وصغار العقول

ويا حسرتي يوم العراف صاروا قليل في ذا الزمن والمشكى على الله