السلام عليكم ..

أنقل لكم مرثية الشاعر محمد بن نغموش - جبل قحطان - في الأمير نايف بن عبد العزيز رحمه الله..

قالوا ( وزير الداخلية ) توفى
خبر يحزن ناس ومفرح ناس

انا اشهد ان الحزن كفى وفى
والموت ما يمنعه قوة وحراس

حزنت شعوب بالأمان اتدفي
في بشت نايف صامل الراس والساس

وافرح عميل في الظلام يتقفى
ثعل يدفه كل نذل وبلاس

ما يفرح بفقد الكفو ويتشفى
الا الجبان اللي على الوجه ينداس

نايف سليل المجد وفى وكفى
حامي حما الديرة من سموم الادناس

راح الصميدع بامر ربه وقفى
وخذنا الوصية عقب ما مات نبراس

(الما العكر لابد يوم يتصفى
لين يتبارق مثل براق الالماس)

شخص يدربي الجمجمة ويتخفى
وشخص وهو في موتته رافع الراس

http://www.youtube.com/watch?v=M92VNEu_Zcw





وفقكم الله ومن يقرا لما يحب ويرضى






أخوكم :
أبومسفر القحطــــــــــــــــــاني

__________________
يالله إنـي طالبـك عـفـو وغـفـران وسـمـاح = ياللذي تجزي علـى الحسنـه بعشـر أمثالهـا
هـذي الدنـيـا ماتـسـوى لا تـعـب ولا كـفـاح = دام مـاهـي دار خـلـد لـيـه أنــا أتعـنـى لـهـا
عيشتى عيشـت غريـب وادع الغربـه وراح= أو كـمـا عـابـر سبـيـل دوم يـشــد رحـالـهـا
أو كما تايـه بصحـراء مالقـى شربـت قـراح = أو كمـا إللـي تحـت شـجـرة نـاعـم بظلالـهـا
كلـهـا أيــام وليـالـي ثــم قـالـوا فـــلان راح=أخـذه المـوت وحياتـه غــاب نــور هلالـهـا

الشاعر محمد بن مزهر الرفيدي