[poem=font="simplified arabic,6,black,bold,normal" bkcolor="transparent" bkimage="" border="double,4,black" type=1 line=0 align=center use=ex num="0,black""]
طالبك يامعبود يامالك الدين = أنت العزيز اللي عليك أعتمادي

يامالك الدنيا وياقاضي الدين = ياعالم الاسرار رب العبادي

رحمتك يامعبود هي قرة العين = رحمتك ياخلاق شربي وزادي

أغفر ذنوبي وانت رب الثقلين = يافالق الاصباح بعد السوادي

لعل حسناتي ترجح موازين = ياغافر السيئات حقق مرادي

اسكني الجنه وخضر البساتين = مع الصحابه والنبي خير هادي

العمر فات وفي زمنا معنين = نركض ورى الدنيا ولابه حصادي

نبغي نعيش أيام وشهور وسنين = ماندري ان الموت صبح وهجادي

وين الصحابه والرسل والنبين = راحو من الدنيا نظاف الايادي

كم واحد قوَته مثل البعارين = تال الزمن راسه طريح الوسادي

بعد النشاط يعيش عيشة مساكين = من حر مايونس لربه ينادي

والرابح اللي في صفوف المصلين = أخشع لربك يانظيف الفؤادي

ياماأطيب اللي لا مضى الليل ثلثين = قام يتهجد وأخر الليل هادي

اليوم أنا باذيعها للعزيزين = ترى الهدايه حق لا صرت غادي

ريح الخزامى والنفل والرياحين = من حظكم تشرك بمسك وكادي

اللي مضا يكفي على العسر والين = أغفر ذنوبي ياولي العبادي[/poem]