شذب العراقيب ( جديد )
شذب العراقيب
[poem=font="simplified arabic,6,black,normal,normal" bkcolor="transparent" bkimage="" border="none,4,gray" type=3 line=0 align=center use=ex num="0,black""]
انا مزاجي مايوافق مزاجك=ياللي على شذب العراقيب ضاري
انت تونس في مقابل حراجك=وانا شفوق لفج خضر الصحاري
يطفى على درب المراجل سراجك=وانا على الطالات شبيت ناري
تمرض وتلقى في المقفي علاجك=وهرج القفى ماهو بطبعي وكاري
لكن نصيحه واخذ منها خراجك =اللي يسوم برخص ماهو بشاري
وقبل ان تضيع صيدتك في عجاجك=عدل مسار سرت به وانت داري
وقبل ان يغطي نون عينك حجاجك=احفظ كتاب الله ونص البخاري
وحذرا على الشينه يبين مداجك=بشت المراجل مايجيك اختياري
ان ماكسبت الطيب واخذت باجك=تهبط من العليا هبوط اضطراري
هذا مزاجي وانت عارف مزاجك=جاني قرارك وانت تعرف قراري[/poem]
العبيدي
__________________
سبحان الله وبحمده سبحان الله العظيم
(( ذيب العبيدي ))
التعديل الأخير تم بواسطة بحر ; 23-05-2012 الساعة 08:36 PM