[poem=font="simplified arabic,6,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="1,black""]

علمونا بعض الاصحاب وش معنى الفضول = عند ناسً همهم في الخبر تسريبته
وفي المواقف يظهر الشعر وافكار العقول = ترسم الابداع والبيت من تركيبته
يا وجودي كلما ثقلت اكبار الحمول = وارتخى زندي وراسي ما طاحت هيبته
والله انها عند مثلي صعيبه وش اقول = يا معين اللي بذكرك تهون مصيبته
ويا وجودي كل ما دار حولً بعد حول = وانا في نفس المكان المخيف وريبته
وحاجة في النفس ما تقبل انصاف الحلول = وعثرة الطيب لا جاته تجي من طيبته
ويا وجودي لا طرولي صناديد الزحول = وشفت خبلً في قفاهم يذم وخيبته
ما تعدت شاربً طال في وجه مهبول = والا وجه القرم يكرم وتكرم شيبته
ويا وجودي كلما شفت زولً بعد زول = وذكرتني بعض الازوال زولً غيبته
اطعنتني طعنتينً مواريها تهول = ووقعها ببطي وانا ادفع ثمن ضريبته
اتصبر واتسلى وانا همي يجول = من ورى حدب المحاني لقى ذهيبته
وجعل من ذم المطاليق ذربين الفعول = فدوة الحاهم وذمه ولا ترحيبته[/poem]