قصيدة سوق الندامة | محمد ال مسعود
بسم الله الرحمن الرحيم
اسعد الله اوقاتكم بكل خير ومحبة
قصيدة بسيطة .. وجديدة احببت ان تشاركوني فيها ..
[poem=font=",6,blue,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
قبل المغيب وقبل ما تغيب الاسفار=قبل الدجاء ما يكسي الكون شامه
ضاق المعنى وحار في بحر الافكار=بحرً عميق وليل حالك ظلامه
تسوقه امواج الزمن عكس ماختار=وودع شواطي منوته بالسلامه
والحظ معثور يتعثر لمن سار=كلما تعثر قام يعدل مقامه
واليا اعتدل برر مطاحه بالاقدار=الي تحت امر الاله ونظامه
امنت به صابر ولو جار ما جار=بصبر على جور الزمان وضيامه
منهو سالني كيف حالك والاخبار=يحتار فكري ويتلعثم كلامه
اظهر معالم ضحكتي واكتم اسرار=في صدري المضيوم خلف ابتسامه
واصمت لن الصمت حكمة ومقدار=وبالصمت تحفظ هيبتك والكرامه
همك بصدرك لو كلا ضلعك النار=اخير من بيعه في ســوق الــندامه
[/poem]
وسلامتكم
محمد ال مسعود
http://www.youtube.com/watch?v=d-dxSZi4jjY