[poem=font="simplified arabic,6,darkred,bold,normal" bkcolor="transparent" bkimage="backgrounds/1.gif" border="none,4,gray" type=0 line=0 align=center use=ex num=",black""]

تصيب المصيبه بالقدر والنصيب يصيب= ولا ينطح المكتوب لاحل نطاحي
خيوط الخطوب تخاط لي تحت ستر الغيب= ولانيب جازع عن مقادير الالواحي
صحيح المصايب في الزمان تحضر وتغيب=ولكن مافكرت لاجات بمراحي
اصدق واكذب غير ما ينفع التكذيب= ليا شفت شين الواقع بناظرك لاحي
وانا اليوم اعيش التجربة والعمر تجريب= تكسر هنا امراحي على هم مسراحي
يحدك لظى وقع القضا صوب طر الجيب= ليا جاك ينعق للرزيات ويتاحي
على اللي جروحي عقب فقده ماهي والطيب=تكالب جروحي عقب فقده وش آناحي
كسوري عقب فقده لاجبرتهن تعيب= تساوى مقيمي عقب فقده ومرواحي
سميي سميي عقب فقده شبابي شيب=تثلم شبى سيفي من فراق من راحي
فراق(ن) علي اكبر من فراق شالح ذيب=وديع الضلوع اللي تحوشه ليا فاحي
تحت حدبها حزني بعيد(ن) عن التسريب=تراودني الدمعه على الزهد بافصاحي
لوان الاجل يفدى فديته بحال وصيب= ولوان العمر يشرى شريناه بارواحي
عسى له من الفردوس في القبر نفح الطيب=وعسى له من الغفران والرحمة وشاحي
عليه النعى وارهى البكا والنحيب مصيب= وغيره فلا لو صاح وان ناح من ناحي
.....الشاعر...عبدالله بن علي أبن دماث[/poem]

__________________