هذه القصيده موجهه للزميل والصديق الصدوق

محمد بن عبدالله الصبيحي الخالدي

الاخ الاكبر لشاعر المليون وشاعر الذيب بدر الصبيحي الخالدي

وهي تعبر عن موقف يستاهله ابو نواف

[poem=font="simplified arabic,6,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num=" ,black""]
اسعد خبر جاني مع حزة الضيق=في حزةٍ والشمس تدني من القاع
يبرد لهيبٍ حل بين المعاليق=ويغذي اسماع من البسط جياع
زفه لي الربدي عساه التوافيق=انا اشهد انه للنواميس طماع
من بعدها ياقلب فك الصناديق=وابعث بديع القول من بين الاضلاع
أنص الصبيحي عجْل مع فكة الريق=معا صلاة الصبح لاهب ذعذاع
من لابةٍ تعرف نهار الملاحيق=خوالدٍ للحف ماهيب تنصاع
اللي حمو بيض الحباري من الهيق=ان مر به ولى يدرهم ومرتاع
فعلٍ مايبغي له دعايه وتسويق=يشدي لنجمٍ في السموات لماع
يستاهل اللي ذب روس الشواهيق=بالمرجله والطيب ودروب الاسناع
الصاحب اللي مايخون المواثيق=للسو سو وللخوي درع وشراع
اثقل من جبال السروات وطويق=واخف من حرٍ نواها بمطلاع
امحلقن فوق الرجاجيل تحليق=حاز الغنيمه ورجعو عقبه اجياع
سبحان من ميزك بين المخاليق=ميزتك مثل السيف ساطي وبتاع
لاتحسب ان مدحك تجيبه طواريق=تتعب عليه افكار شاعر له إبداع
والله يديم العز بين المطاليق=مادام شمس الله تشرق على القاع[/poem]


بحر
برلين

__________________