إخواني بالمنتدى
السلام عليكم ورحمة الله وبركاته
هذي المساجلة أعجبتني بين الشاعرين

ماجد بن شارع العاصمي و موفق بن سالم الشليخي

وحبيت أنقلها لكم

بنشدك ياموفق عن اعلوم الاقـواز
وش حالهم من عقب كشف الحقيقـه

وأنا اتحرا بيـن تشريـن واتمـاز
وأتابـع الساعـه دقيقـه دقيـقـه

والضابط اللي مقتبـس دور فــواز
أصبح مـزور بيـن كـل الخليقـه

لوقال نوبـل مولـده قبـل نـواز
ماكـان صفـه دققـو بالوثيـقـه

من كبر همه قام يمشـي بمعكـاز
ولويشرب امن النيل مابـل ريقـه

أنا مـن امثالـه بعيـدن ومنحـاز
فـار الخبـاره لـه يليـق ويليقـه

جـتك الرسالة تبغي احلول الالغـاز
من شان ياموفـق نلاقـي طريقـه

ماجد بن شارع العاصمي


أعلـومهم ذولاك هامـز وهـمـاز
أما استـوت وألا عساهـا حريقـه

صارت سوات الخبز بيديـن خبـاز
غشيـم ياماجـد عثـا فـي دقيقـه

والضابط اللي خاسرن ذاك مافـاز
مذموم فـي ربعـه ودربـه يعيقـه

وفتوى تجي ياخوك من غير ابن باز
إن كان ماهي صدق هـذي لفيقـه

والفارسي يومه ورى حـد شيـراز
خلـه يهابـد والعـرب ماتطيـقـه

واللي اختبر ويجيب جيـد وممتـاز
يرقى على رأس الجبـل مايويقـه

واللي سواته حط في رأسه القـاز
ولع برأسه ليـن يخلـي طريقـه

موفق بن سالم الشليخي