الشاعر:سهل نايف الكسر العتيبي
[poem=font="simplified arabic,4,white,normal,normal" bkcolor="sienna" bkimage="" border="ridge,4,darkred" type=1 line=0 align=center use=sp num="0,black""]
عسى الله يوفقني فحل للنياق السود= يجيني ابه الجلاب من ديرة المره
على شان سودن في وبرها سوادن زود=تجي واحدتهن يوم تزمي كما الحره
ابيلي فحل للذود حتى يعمر الذود=على شان يطلع من ورى البوش بالمره
مثل ماحصل للعود فايام وقت العود=عنا للسديري من طمع فيه ماغره
وشرى منه شيوبان جابه وهو قعود=يحسبون سنه هرش لان الصبي فره
كبير الاباهر مارق الجنب جبر عضود=تطاول رقبته كنها الونش منجره
غضاريف خشمه رثم وافنس عريض خدود=وله جرتن بالزمل ماكبرها جره
سواده سواد الكحل مع لابس الماهود=غنوجن تحط الكحل بالعين وتذره
وانا اليوم ابامن ساس شيوب لو مفرود=وابا البل تعود عقب مابطيت بالحره
على درب عودن قد سبقني بدرب الجود=وانا احب دربه مير الايام مفتره
ابمشي بها وقت المحادير والسنود=واخلى ضعوفن بالقري جالها صره
ولو المرجله بمداحم الجنب والمجهود=ابه ناس منها ماتحصل سوى الذره
نفعها زمان حط له للرجال قيود=وغدت بالبحر ثم عينت بالبحر دره
وعسى الله يعز الامن مع راية ابن سعود=هو اللي حكم بحر الجزيره على بره
وابا العفو من رب الملا ربنا المعبود=عساه يعاوني بساعة مالنا فره
[/poem]