[poem=font="Simplified Arabic,5,black,bold,normal" bkcolor="blue" bkimage="backgrounds/25.gif" border="double,5,blue" type=0 line=0 align=center use=ex num=",black""]

الجيب عز ومن قنا الجيـب كسبـان=شيك"ليا مـن شحـت ايـدك لقيتـه
الجيب لو تشريـه بكبـار الاثمـان=بيـدور حولـه والثمـن مافنيـتـه
لاضاعت سلوم العرب والدهر شـان=يغنيك عـن مـدت ضعيف"رجيتـه
مركـب سلاطين"وقـاده وشيـخـان=ياعنك كـب الرنـج واتـرك ونيتـه
كن حس صوته لاْشتغل صهله حصان=يوم الوغى شـاف الرمـاح المميتـه
والياوقـف شيخ"للاجـواد مـزبـان=من طيب راسه ماقفـل بـاب بيتـه
ان جيت قدمه قلت ياالذيب سرحـان=واليـا قفيـتـه ماحـلـى لاقفيـتـه
تقـول خيل"فوقهـا سـرج وعنـان=وخيالها السـواق مـن فـوق سيتـه
واليا ادلهم الليل مـن كـل الاركـان=يكشف صياهيد الخـلاء نـور ليتـه
يامسنـدي مافيـه عيب"ونقـصـان=مـن الوكالـه مايبـي فـك زيـتـه
اسرح مع الغبشه قبل صـوت الاذان=منـصـاك شيخ"يبتـهـج لالفيـتـه
شيخ"يحوز النعم فـي كـل الاحيـان=بالمرجله والطيـب قدشـاع صيتـه
ماريته شـف مجلسـه دون بيبـان=مشرعـه ان كـان وصفـي نسيتـه
تلقـى دلال البـن ومفطـح الضـان=وترحيبتة"تثنـى ليامـنـك جيـتـه
هذاك ابوي اللي ليامن بـدى الشـان=ياقف وهـذي مـن خصالـه فديتـه
سلم على خشمه وضمه بالاْحضـان=وقلـه تـرى فـي ذمتـي ماسليتـه
قله محمد من عنـا البعـد مرضـان=وقله ترى الماء والكـرى مااهتنيتـه
مرت سنه والقلـب يصلـى بنـاران=نـار الفـراق ونـار ليتـه وليتـه
ليت الخفوق اللي نوى بالسفر خـان=كـل العهـود ولارفـض كمليـتـه
غير انه شاف الغدر بقلوب واعيـان=نـاس" تهـد السـاس لامـن بنيتـه
كـم مرة"عديتهـا قصـدي احسـان=اللـي خطـى بالصفـح ياماجزيتـه
لكن عقب ماشفت ضيقـه وحقـران=مالـي سـوى الهجـران لومابغيتـه
وقله انا ارجـو المعـذره ياكحيـلان=فقـري ودينـي والحسـد ماقويـتـه[/poem]








ارحب يامحمد تراحيب المطر

وأشهد بالله أن الجيب عز

صح لسانك وبيض الله وجهك

والله يرزقك ويبلغك مرادك

أنت شاعر جزل ومن رووس عرب وتستاهل العلم الغانم

لاتحرمنا جديدك

تحياتي وتقديري

__________________