[poem=font="Simplified Arabic,5,black,bold,normal" bkcolor="royalblue" bkimage="backgrounds/5.gif" border="double,thick,royalblue" type=4 line=0 align=center use=ex num="0,black"]
مبروك يامشرف جموع القحاطين = يالشاعر اللي تحتفي بك قبيله

يامحمدشديد عسى ايامك سنين = قبل الشعر سعدالعميل لعميله

وباقي على خبري من اول وذلحين = والسيل يامحمد ماضيع مسيله

فيك الكرم فيك التواضع عناوين = يابن الاسود اللي تشيل الثقيله

انشهد انك يوم خضت الميادين = فوق الحصان اللي سمعنا صهيله

كنك تقول السيف مافيه ثنتين = ان عشت بديني سمعتو صليله

وفيت في وعدك يانسل الميامين = ومن عادت اربوعي تروم الطويله

وبلى شعورن صرت مثل المجانين = يوم ابن وايل قال هذا حصيله

ولبيه يابوزايد ابن الخيارين = يانوم عين اللي حياته عليله

لوان كتبنا سيرتك بالدواوين = ماكفتك يابن الاصول الاصيله

وفزعتك لمحمددليل وبراهين = انك على ربعك تمد الجزيله

ومن قبل مالساحه تحجب الملايين = وتقفل اصوات الخليل لخليله

قلت اللقب روح ولا ادري على وين = السيف ياراجح يامنهو يشيله

قال اصبر شويه ويجيك الخبر زين = اربع دقايق تنعدل كل ميله

وقمت اتشوف لك ياطلق الحجاجين = عبر الشريط وكن تحتي مليله

وفي لحظتن شفت الدعم ياحمر العين = وتقول الاول مابغينا بديله

حققت غايتنا يارمز الدنادين = الهاجري مايعرف المستحيله

انت الكرم والطيب حين(ن)بعد حين = ياترثة اللي كاسبين الجميله

وانته فخر كل القصاوي والادنين = يامضرب امثال العرب كل ليله

وربعك بني هاجر على الضد قاسين = اهل القنا واهل السيوف الصقيله

واطلبك يافارض زكاة المساكين = ياحامي الكعبه من اشرم وفيله

انك تحفظ محمدابن الخيارين = من هول بقعا والحظوظ المحيله[/poem]

الشاعر ماجد بن شارع العاصمي

__________________