ماقد خبرت الرجل يلبس خلاخيل .....
ماقد خبرت الرجل يلبس خلاخيل
ويكحل عيونه شبيه النعامه
هذا زمان" يا عرب به تهاويل
الله يستر لا تقوم القيامه
حطو قلادت" وزادو على الكيل
لبسوو براقع واحذفو بالعمامه
واللي يزود بلة الطين يا شعيل
لبسو بناطيل الردى ها لقمامه
طيحني اسكيني وسامحني ياويل
وشعورهم مثل الشجر باليمامه
ان كان تبغا وصفهم بالتحاليل
شفت المره نفس المره بالرخامه
راحو رجال" تحمس البن والهيل
وفعولهم للظيف مثل الغمامه
اللي على وضح النقا عدلو الميل
مشمرين ولابسين" عمامه
المرجله تبقا فخر للرجاجيل
ترسي كما ترسي طويق وتهامه
المرجله نجم" ضوى باخر الليل
يحوشها حر" تعلى محامه
يا بن ثنيان قلتها بالتفاصيل
الذيب ذيب" والنعامه نعامه
يامنزل القران وكتاب الانجيل
اغفر ذنوب اللي شقى في منامه
أخوكم / حسين بن سعد الربيعي .