رد : التوبة
اهداء للشاعر الكبير ( سعد الجنوبي )
أنـشدك يا من فـكره اليوم بيصيب
أنشدك يا منهو مع الناس واعـــي
كثرت هروج مدورين العذاريـب
أمدورين الكذب والكذب شــاعــي
ما غير حسداً في القلوب المشابيب
من يوم تظهرلك بوجه اصطناعي
شفنا وشبنا من عيال الأكـــــاذيب
ويا ليت نسلم من سموم الأفاعــــي
وكـل ما تــوفي مع الناس يا ذيب
تلقى طعون بوسط صدر الشجاعي
أشيل صوتي يومي شفت الأعاجيب
من يوم شفت الدمع ينزل جماعـي
من يوم شفت الصدق عند الاشانيب
ماله وجود(ن) صار للكذب سـاعــي
سعد سعد بعطيك عـــلم الاصاحيب
مابه رفيق(ن) شال عقبك وجـاعــــي
كل الرجال اللي بعرف ومواجيب
نسيو الوفاء شدو وراحو تباعــي
كلاً على أدروب المصالح ويا عيب
عـيـباً عـلى الرجال للعيش باعـي
كـتـبـتـلك شعري وجتك المكاتيب
أنت الوحيد اللي له اشكي وجاعي
خلك على حمل الوفاء دوم ياذيب
ياذيــب وافـــــــي خوته ما تباعي
شهادتاً من شاعراً لا بغى يجيب
جزل البيوت اللي على وزن أعي
__________________
][®][^][®][ لـو تاقف الــدنيا علــى كــف عفريت
مــاسقت نـفـسي للرجال الرخومي][®][^][®][