أبوسعد العبيدي;739390

السلآم عليكم ورحمة الله وبركاته ..



[حياكم الله ..
هذي قصيده امتنعت عن ذكر عدد من أبياتها لغاية في نفسي



[أنا أشهد أني وقعت وطحت متساوي
وأنا أشهد الهوى اللي دونها غاوي
وأنا أشهد أن حبها ما يجرح يداوي
ولا غيرها من جميع البيض يرضيني

أحبهـا و الله اللي سـاقها بدربي
أحب جده و أحـب الساحل الغربي
ومن شان .... نسيت الهم والكربي
يـا ليتهـا صادفتني بـأول سنيني

كان اهتنى القلب في حبه وفي قربه
كل السعاده تخاويني على دربه
وان غابت أيام عمري كلها غربه
ويبين فراقها في قلبي و عيني

والله لابقى على حبه ولا اخونه
ماتهتني العين غير بشوفة عيونه
يفداه عمري وأنا اللي صرت مجنونه
من وين ما هو يوديني .. يوديني

عمر السعاده وأنا ماني بمتحسف
الا على عمري اللي فات متأسف
واليوم عن ساعدي شمرت ومنسف
بعوض اللي مضى عساه يمديني

بالله لامت حطوا قبري بجده
وخلوه يدفن علي قبري اذا وده
ويزور قبري الا منه خذا مده
ويحفظ وصاتي اذا هو حيل يغليني




وسلآمتكم

عند النقل .. لاتنسى ذكر المصدر

مسكين يالي تحسب الواجدشوي *** العافيه لوتنشرى وش ثمنها