اه يامل عين ماتنام
كن فيها رمد ولا هزوم
اسهر الليل من زود الغرام
واتقلب مغير اقعد واقوم
كن لي بالمرض عشرين عام
الله اقوى وهن عشرين يوم
ياهل الخير ودوله سلام
سلمو لي عليه اكبر لزوم
لاتفك اللحام من اللحام
اثر قلبك على الفرقا عزوم
كيف ابنساك يابدر التمام
جعل ربي يلوم اللي يلوم
الذوايب على حد الحزام
والردايف مثل شط الردوم
دام لي بالهوا شف ومرام
ماقبل الا انت بالدنيا عموم
غيرك البيض عشرتهن حرام
انت مثل القمر بين النجوم
وانت نور البلد عقب الظلام
وانت جنسك مع الناس معدوم
من تولع بعرفك مايلام
ليت حبك تغطيه الهدوم
اشهدانك تظيم ولا تظام
يامعذب قبيلك بالهموم

__________________



لأستشاراتك القانونية أضغط هنا
لوجه الله تعالى