[poem=font="Simplified Arabic,4,black,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
ياهاجسي أفكاري الممدوده=مثل السيوف القطَاع المجروده
اصيدها صيد الجوازي النّدر =وشوم عنها كانها مصيوده
الحر مايهوي على المجروحه =مخالبه الصيدته محدوده
انا احترم اذواق من يسمعني= وبيبان ماندخل وهي مردوده
ترى العوارف يبخصون الشُرد=وبنات فكر النّادر المقيوده
والشاعر الموهوب ينقل شعره=بين العرب بالحانه المنشوده
والشاعر الموهوب يعلا ذكره=وترى المواهب اهلها محسوده
واللي مكانه مايبي يتحرك =خلّه مكانه لين يفك اقيوده
والشاعر اللي في المحافل وجه=يطلب وسيطه طلبةٍ مجنوده
كل ٍ سمع طاروقه المبليبه=قاف ٍ عوج وافكاره المهدوده
هذا زمان اهل الكلام النَاعم=ولاّ الرجال العارفه مكبوده
ابو ثعل في راس رجم ٍ عالي =والزُحل المتسيِّده مطروده
اللي لهم سيسان فعل ٍ ماضي=ونشهدنهم ياعرب معدوده
وعروقهم تشرب مياه ٍ عذبه =عد ٍ زلال ٍ بعدهم موروده
ونكان في الميدان تلقى خصمك= اهون من اللي طعنته بعضوده
بعض العرب فرعون بقرب ناسه=يسب يشتم والطّرق مسدوده
قلبه لجل ساسه ضعيف ٍ خامل =متأسين من ماضات اجدوده
يحقد على اللي قاصي ٍ والدّاني=ودّه يذبّح عالم ٍ بفروده
وهو دجاجه صوتها مايعوي=وفي هوشته ياما ثنوله عوده
المال يبني بالصّبخ بنيانه=لكن ساسه من بنى بحيوده
كل ٍ على جدّه يعرّف أسمه=وياما لقينا عالم ٍ مجحوده
لن الصّحيح يصح يانقّاده=ولا العصامي من طلع بجهوده
بس الرخامه مالها عمداني=انفوسها من عيشها مضهوده
الغاب عنوانه بقاء الاقوى=مايستوي قرده يعادي اوسوده
وكم واحد ٍ ودّه يساوي باشه=رمابها لكنّها بخدوده
بعض الجمال العوص يا جماله= تمشي مع الجمّال في مكدوده
وبعض البشر من شين طبعه جاره=خلاّ دياره ناقل ٍ بشدوده
وسكن مع اهل البار واهل البيره=ويشتاق لدياره لاهبت نوده
وخلا ّديار اهل الحسد والنمّه=اللي يحسدون الفقير الجوده
واللي مهيضني تراه الموقف=اللي مع ذيب القعم وقروده
[/poem]