تحيه طيبه للجميع

اعتذر عن التقصير في التواجد




،،،،،،،



[poem=font="Simplified Arabic,6,black,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
ياليتني قبل أشوف الذود ياسعود=لدّيت عيني على بعض المعاني

ولاتعرّضت مدح البيض والسود= ولاقدحت الهجوس ولاطراني

ولاتنشّدت عن صاحين ورقود=ولاوسيمة فلان ولافلاني

وألا يوم أني نويت أمدح هل الذود=مدحت من سمعته تطلق لساني

شيخٍ ومدحه مايبغى عرض وشهود=ابين من الجدي وسهيل اليماني

وأن صار فأهل المدح حاوي ومردود = يستاهل المدح مثل الكيرعاني

مبارك اللي عليه الطيب محسود=من حافظين الدراهم والمقاني

مبارك اللي سواة العد مريود=ماينتزح ماه من كثر السواني

أسمه وجسمه شهود وذكره يزود=من قال أنا من عبيده وقحطاني

طيبه موارث جدود وكفه يجود=عشّاق قول ونعم والعمر فاني

الصدق ماينجحد والكذب مجحود=تنشّد الناس من قاصي وداني

عن مجلس البن الاشقر وأزرق العود=وعن عقّر الحيل وكبار الصياني

وأهم شي التواضع فيه موجود=وهذا هو اللي منه غيره يعاني

وذوده تباهي بزينٍ ماله حدود=منقيّة ماتهيّا بالتماني

ألا بهقوه وعزم ومال وجهود=مالٍ مايرخص على ولد الهداني

ومقدّره في كنف من ينطح الكود =عبيدي ٍ من طويلين اليماني

كنها خيامٍ تهب اطرافها النود=وألا سواة البواخر في المواني

وضحٍ تداوي كبود وتجرح كبود=كم واحد ٍ رجّعت عشره ثماني

هذا هو اللي طرا في البال ياسعود=هيضتني وأنا ضايق من زماني

وهاضت وفاضت لراعي الطيب والجود = هجوسي اللي على الكفؤ تحداني

بيتين من غير قصد وبيت مقصود=يبرالها كل شكري وأمتناني

لكن على طاري أهل الذود والذود=يستاهل المدح مثل الكيرعاني[/poem]



،،،،،،،،،،،،،

__________________
[poem font="Simplified Arabic,5,red,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
لاوالله لبست البشت من بعد لبس الكوت=وجالك مكانه بين الاجواد مرموقه

على الهون وكبار الاسامي ماهي ببشوت=يكمّل بها الرجال وجهه ومنطوقه[/poem]