[poem=font="Traditional Arabic,6,black,bold,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"]
الزمان الصلف يجتاح الاحلام اجتياح=وتطفح العبرات من غبه الخافي طفيح
في هجومه يسرج الخيل ويمس الشباح=والهواجيس اتّلاحق وصايحها يصيح
ماهي اتّطيب الجراح ان تقفتها جراح=لو يغطيها من اعصاره المرهم صفيح
ياحياة(ن) تسقي احيامها السم الذحاح=وهبها لامر الابواب يلفحها لفيح
من بغا يقضي لزومه من ايدين الشحاح=مثل من يرجي حياة المكفن في ضريح
والصبر محمود والوقت يبغاله كفاح=واليؤوس ايطيح غير المثابر مايطيح
الفرص ماتلوي ارقابها وماراح راح=والعزوم ايموت ماتسمع إلصدره فحيح
والهماج ابعز يروي ولا ذل القراح=وكلمة الصدق الركيكه ولا كذبة فصيح
العزايم حربة(ن) في وجيه اعدا النجاح= حربة(ن) كم خلفت من قتيل ومن جريح
وهيه ياللي تخلطون العلايل والصحاح= العلايل تذهب ومايصح الاّ الصحيح[/poem]