تلذذ بالغياب مبارك الفهري
تلذذ بالغــياب ولا تـمالـي ،،،،،،،، ترى بعد الغياب يصـير فاقـه
يامن ضويبت لي سود الليالي ،،،،،،،، وصوتك همـس واشفق له شقاقه
يامن ذوقتني علقــمك حالي ،،،،،،،، علشـانك وهـو صـعـب مذاقه
سمـوم البـعـد مافـيه ظلالي ،،،،،،،، هجــير وشمس يحرقني حراقه
وحتى الـنوم ماعـاد يهـنالي ،،،،،،،، يـجــي وزيـارته مثل السراقه
سجين وصارت ايدينك حـبالي ،،،،،،،، سجـين ومـا يبـي حتـى طلاقه
يعيش اللـي بقالـه مـن توالي ،،،،،،،، ولا يمـشي الردى عـظام ساقه
وقلبه ليـا من هـب الــشمالي ،،،،،،،، تضــيق ضـلوعه ويطوي رواقه
يجيه الظــيق لا شـاف الزوالي ،،،،،،،، وعينه بالسـهـر سـوت عـلاقه
ومـا ينفع وجـودي بـري حالي ،،،،،،،، ولا يــنفع صــديق ولا رفاقه
ولا يكــفي رمــاح ولا سـلالـي ،،،،،،،، ولايمـدي طبـيـب ولا وإفاقه
التعديل الأخير تم بواسطة مبارك ين مسفر الفهري ; 02-11-2010 الساعة 11:30 PM