المشاركة الأصلية كتبت بواسطة الظور

يذكرني اخوي عبدالله

بواحد جا عند شايب وعنده الشايب بنيات والمسير هذا عينه ماتشوح عن البنات والعود نوي يقطعه من المسيار مره وحده

المهم قال الشايب

تكفاء يافلان نبي نمسك بكره باقيه غفال وناسمها قال المسيَر ابشر وينهي قال الشايب عنها هذايك بين البل

امسك ذيلها ولاتفكه لين ترغي وتوقف

ونقز يبا البنات يشوفون فتوته وتصيد البكره لقيه واصلها ماسومه غير ماانتبه ومسك ذيلها ويوم حست به وهي تطير في جهدها وهو متمسك والشايب يقول لاتفكها لعنبو الرخوم والبنيات يتفرجون

المهم ان خطاه قامت تطول وباعه بدل ماهو مترين سار 5 متر وعترضيبه معى حزم قدام البيت

شوي يوم انفلتت يده من ذيل البكره ثم ارتفع فوق ثم وقع على كبده وبطنه وكيعانه ثم راح يسح على بطنه خمسه امتار

راح بطنه ندم وجروح المشكله الشايب بعد ماطاح الرجال يقول هو انت مسكتها ولا لا كنه ماشافه

النتيجه ضحكوا عليه ولاعاد طب في ديره هم فيها وريح الله الشايب

تحياتي للجميع