رد : المراقب او المشرف او العضو الذي تتمنى من قلبك ان تقابله شخصيا!!!
اقتباس:
المشاركة الأصلية كتبت بواسطة ابن دغيّم
يشهد الله وش كثر اغليك يابن الشايب
وانت كفيت ووفيت في كلامك وانا اشهد انك وافي وهذا من طيب أصلك
وارجوا العذر والسموحه يا ابن عمي والله لو اقابلك غير ادسم شواربك بالشحم يالذيب
ودمت لمحبك ابن دغيم الجحلي
|
ونعم يابن دغيم
والله مامنك فكة وإن علومك ماعاد دريت أيش
تقصد منها .
يا أخي أنا ماني ناقص ضيق تنفس .. الظغط كاتم علي من جهة وأنت
من جهة أخرى ..؟.
بعض الإكرام إرغام . وكلامك هذا ما يدل على محبة .
أجل ويش معناها أدسم شواربك .. شوف الكلام .. شواربك ..؟.
مدري تسوي نفسك غشيم ولا تتغيشم ..
الواضح إنك تبي تطق تسبدي ..؟.
ليه ويش الأسباب الله . أعلم ..
يمكن تقول يابن دغيم إنك .ما فهمت قصدي وتسوي منها سالفة وتطالب حق وما حق ..
لذلك سأوضح لك نواياك المكشوفة والتي هي سبب كل هذا الكلام الذي تقرأه الآن عني ..
أنا عندي ظغط وأنت مسوي كريم وتقسم بالله لو تقابلني إن تدسم شواربي .. وبماذا .. بالشحم ..؟!!!
وهذا الكلام على أرض الواقع .. يعني . يا أخي المحترم .. إن الشحم الذي ستضعه على شواربي
سيقطع عني القليل الباقي من الهواء الذي بالكاد أجده . ولو قلت شارب واحد كان معي إحتياط والله
يعينني أتحمل ؟. أما على شواربي كلها . فهذي مقصودة .. ومبيتة .. وحرام إن الواحد يكتم خويه بالشحم . (( غريق الدهن )) ..
في وقتنا هذا .. لم يعد الشحم كرمآ .. لعدم الحاجة إليه كما في السابق . بل أصبح الشحم من مجرد
النظر إليه تشعر بضيق وغرغرة وهيجان في الجهاز الهظمي العلوي .. وغالبية الناس يشعرون
بهذا الشعور .. ماعدا قلة ممن يعملون في الأعمال التي تتطلب بذل جهود بدنية . فلا يؤثر بهم كثيرآ .
ها أنذا أوضحت لك حتى النظر بل حتى الرائحة . لا تقبلها بعض الأنفس . ؟؟.
فكيف يابن دغيم تحطه على شواربي .. الإثنين .. الله يسامحك . الله يسامحك .. الله يسامحك ..
إفهم هذا الكلام ومثلما يقولون أهل الخليج .. حطه على بالك عدل ...
كل الخلق يتعاملون مع بعضهم .. وفي كل مجال يتعاملون .. ؟؟؟
ولكن . ولكن . ولكن ..؟
من أراد أن يتقبل كلام المقابل . يقبله ويبلعه ويتبلبع به . وعلى ماء بارد وبكل روح الإخوة .
يقلب الخطأ صحيح ويبدل النية السيئة والواضحة والمكشوفة ..
إلى حب المزاح والمونة والليونة والفطرية والطبيعية .. إلى أبعد مما يمكن أن تتصوره . .!!!.؟.؟
ولكن . ولكن . ولكن . .؟ .؟ .؟ .
من لا يريد تقبل كلام المقابل .. سبحان الله العظيم .. يقلب الصح خطأ .. ؟.؟.؟..
ويزيد عليه ويزيد ويزيد حتى تراها كالجبال في تصورهم لها .. وفي الواقع . مافيه أي خطأ ..
لكن مثلماعدلنا لك سالفة . أدسم شواربك .. ؟؟؟؟..
ترجع الأعمال في النهاية .. إلى النوايا يابن دغيم .. !!!
وأنت والله يشهد . وعن بعد حسب تصوري طيب . وفيك إندفاع . وطيبك يردك . وهو صلابة معدن .
الله يرحم شيبان خلفوك . أو بالأصح .( شايب وعجوز ).. وأنا صادق .. مايصير خلفوك شيبان ..
عمومآ . كل هذا التطويل والله يشهد محبة لك في الله في هذا الشهر الكريم الله يعيده علينا بالخير .
بدأت بالشد وكأنني زعلان فعلآ مع شوية فلسفة مثلما يقولون . مع تطويل يزيد الظغط على إبن دغيم .
ثم شرح لموقفي ..وكيف إني أحب أن احافظ على صحتي وحياتي من الأخطار التي قد أموت بسببها .
وأنا متأكد إنها ستتغير الأوضاع عندك في بداية القراءة وكلما طالت زاد عليك الظغط .
والصراحة إعذرني وسامحني ياغالي .. والله ما أقدرت ألاقي إلا ماكتبته لك . وكم كنت أتمنى الزود .؟
لكن نسلم ونعوضك ونرتب لك دسم جديد وشوارب غير وخطط على آفاق التكنولوجيا يابن دغيم ..
الله يسعدك ويعافيك ويحفظك لمن يرجيك ولا باس يجيك وأنا من محبيك ولا تشيل هم وأبشر بالخير .
لو لم تكن غالي عندي ما مضى وقتي في التخطيط لمحاولة زعزعة أركان ثباتك .
الدنيا فانية والآجال دانية ... وأنا أطالبك بالسماح علانية ..خوفآ أن يبقى في القلب ما يعنانية ..
أشكرك على العودة الطيبة والإخوة الواضحة وبارك الله فيك ولا حرمنا منك لاهنت .
وأشكرك على طيب كلامك وعذرك وتكريمك .( بالدسم ). ..
وللعلم أنا لا يوجد لدي شوارب نهائيآ ..؟؟ يعني ما علي من دسمك ..ههههه.
أسأل الله أن يوفقنا وإياك والجميع لما يحب ويرضى سبحانه .
تقبل تقديري وحكاي والسلام
.
التعديل الأخير تم بواسطة أبو محمد ابن الشايب ; 21-08-2010 الساعة 07:29 AM