[poem=font="Simplified Arabic,6,blue,bold,italic" bkcolor="transparent" bkimage="" border="none,medium,white" type=2 line=0 align=center use=ex num="0,black"]

أحسنت يا وقتٍ كشف ستر الاوضاع=شفت الحقيقه بين صدق ولكاعه
يظهر لك إحسانه من النجم للقاع=حتى يثبـّت فالقوارب شراعه
ما نقدر إنطفـّي من أنواره إشعاع=شيمه ورحمه تجبرك لإستماعه
وأقضي له اللازم على أشكال وانواع =واللي طلبني قلت سمعٍ وطاعه
وجيته وانا منحدّ خايف ومرتاع=واللي زرعته واثقْ احصد زراعه
وقابلني بنضرات سبعٍ مع إسباع=وأصبح معه وجهين مثل الاشاعه
وضاع الجميل وحقي اللي مضى ضاع=إتقول كنّي ناويٍ في متاعه
من ذاك طبعه ما يفيد التطبّاع=ردّة فعل فالنفس تصبح قناعه
ترى الذهب مهما غسل في تلمّاع=وغيره يصدّي لو جديد الصناعه
وجدي على اللي يتبع الطيب بأتباع=عنده من أمراض الفساله مناعه
فعله مع لجواد طبٍ للأوجاع=تلقاه لا جار الزمن كل ساعه
يمشي على درب الجمايل والاسناع=طيبه هوى نفسه وفعله طواعه[/poem]