( الطفله والشايب)

[poem=font="Simplified Arabic,4,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
سمعت قصة يا عرب خبلت بي =مدري صحيح العلم ولا دعاية

بنت على ما قيل يا ناس تحبي =يرضي بها راع الثمانين رايه


ظنيت فكري يا جماعة سرحبي =لين اتضح سر الخبر والحكاية


من هول ما قد قيل يا حر قلبي=يا رب تكفينا دروب الغواية


ياللأسف ريح الطمع كم تهبي =والناس تتفاوت بحسب الكناية


هذا يقربها وهذا يشبي =والطفلة اللي تبتلش بالجناية


والبنت كم صاحت وقالت لعبي=تفكير ناس تحتفي بالرواية


من شأن نيل المال بابه رجمبي=بيدين ناس ما توافق هوايه


في سن جدي يا جماعة ظفربي =وأنا في العشرين سن البداية


بكيت حتى صاح من كان جنبي =والناس معظمهم سمع عن عنايه


من ظلمهم شكواي لله ربي =ما دام هذا من يديهم جزايه


يا كل عاقل للخطا لا تلبي =خل القناعة في حياتك وقاية


بنتك بقيعان الطمع لاتطبي=واياك لا لا تفتكرها وشاية


راع الملايين انتظر وش يخبي=والبنت تخسر عمرها فالنهاية


نصيحتي يا كل والد مربي =لا تجعل العذرا للطماع غاية


يا الله يا معبود غفران ذنبي =يا واحد منك تكون الهداية


[/poem]