[poem=font="Simplified Arabic,4,darkblue,bold,italic" bkcolor="transparent" bkimage="backgrounds/8.gif" border="none,medium,gray" type=4 line=0 align=center use=ex num="0,black"]
لاضاق صدرك من هواجيس الايـام =فاسجد وناج اللـي علينـا رقيبـي
كم ليلتن عضيـت بالسـن الابهـام=قبلك شكيت ودمع عينـي سكيبـي
ياما وياما عشت باحـزان واوهـام=وكم جرح داويتـه وعيـا يطيبـي
صوتك يذكرنـي بتحقيـق الاحـلام=حلمن حلمته في الزمـان الصعيبـي
لاجيت ابا اكتب طاحت اسنون الاقلام=من نبرة الصوت الحزين الشحيبـي
الا على الذكـرى وتحريـر الافـلام=تتغيـر الفكـره بفكـرن عجيـبـي
من اول الاحـداث سالـي ومنظـام=وفي اخـر الاحـداث شـي مريبـي
ياصاحبي ماضاعة احقـوق الايتـام=مـادام للحـق المطالـب طليـبـي
لاتلتفت لشـرق والغـرب والشـام=ولا تلتفتـه لذاهـبـه والذهيـبـي
اضرب بسيفك واقطع اخشوم الاقزام=واسجد وناج اللـي علينـا رقيبـي [/poem]