رد : اعلم وادر مافي "الــــهواجر" صعاليك ....
اقتباس:
المشاركة الأصلية كتبت بواسطة الظور
مطامعـي متعـديـات مخابـيـك ----------------- اطمع مزايا الرجل مطمع مخابيـه
يالله تمنع لسانه في العجم
ارحب يافلاح
الحقيقه الشاعر مطلق بن ناصر حط المعني بالقصيده مايسوى ريال لكن من غير سب او تهكم يعني اعطاه قرصه في يده
اما هذا النوف في القصيده وعزه النفس فعزالله عزه ماظيعوها هلها هي لهم وهم يرفعونها
تذكرني هذه القصيده بقصه حدثت لي كنت في احدى دول الخليج مذكور لي عازه وادور عليها وحدتني الصدفه ان امر على مكان لشخص مرموق سئلت من هذا المكان له فقالوا لفلان وكنا وقت القيال فقلت اقيل عنده لاني متاكد انه راعي شراع قايم ولايخلى من جية العرب لكنه يوم جيت ابي اسلم عليه امسك عن السلام فنتقت يدي من يده وعطيته ظهري ورجعت في مكاني وبدل مايتعذرني في القرا قال ويش تبي لك طلب فقلت له انا طرقي وقلت اقيل عندك واسلم عليك ولالي طلب وعساك ذخر من الشر وفاته قرا الضيف
فتركته وقلت قصيده اورد منها
؟؟؟؟؟؟؟؟؟؟؟؟؟؟؟؟؟؟ ----------------- عقب التعب نبغا الغدا والقيالي
لاحدن تعذرني ولاقولت اهلين ---------------- والعذر تقبل به خيار الرجالي
ياكود تبغي شي يوم جيت هالحين -------------- ونا كرامت شاربي راس مالي
الله يكرمكم كرامه هل الدين -------------------- الضيف ضامر ياكريم السبالي
اشكرك يابو ناصر على علومك الذربه ياالقرم
تحيات خوك
|
ارررررررررحب يابو محمد ..
مرورك دايم غير عادي بنسبه لي يا كحيلان ..
بيض الله وجهك على نقل هذه القصيده والقصه ..
والله يجعل نوعيتهم الحصاد ..
صح الله السانك مدد بلا عدد يابو محمد ..
اخوك ..
