السلام عليكم ورحمة الله وبركاته


[poem=font="Simplified Arabic,6,darkblue,bold,normal" bkcolor="transparent" bkimage="" border="none,medium,gray" type=4 line=1 align=center use=ex num="0,black"]
بين اختلاف الناس في شت لأوطان=وأصل التصنع والجدل ولأثاره
أصدرت بالمعنى على القاف عنوان=مثل الوزير الي ينفذ قراره
أسبح بحر وأجيب در(ن) ومرجان=أما طناخت راس ولا نعاره
مرهي وبدع القاف في خاطري زان=وأجيبها من باب فن وشطاره
أنا الذي يثبت على القول برهان=هاجوس فكري بين هجمه وغاره
أثبت على البيداء ولو كان ما كان=حتى نرد ألكل شخص اعتباره
وأن قلت لي وش فيك يا طير حوران=نجم الجدي ما يختلف عن مداره
لانيب لا راضي ولانيب زعلان=مير المهم أن وسط صدري عباره
كلمه وأقول الحق مانيب غلطان=وش ناتج البنزين جنب الشراره
تسمع كلام افلان وتخاطب افلان=يالين راس المال عود خساره
وتقول حسب الشرع في كل لأديان=ضد التطرف وامتهان الدعاره
حنا بدار الجود ذربين الأيمان=الى خذو من كل مجد(ن) فقاره
يوم انها عصر(ن) مضى حرب واكوان=كل ابلجن في وسط راسه سطاره
حنا عيال العود وان قيل قحطان=يوم الزمان الي عبوس(ن) نهاره
أفعالنا ما تنحصر وسط ديوان=مجد(ن) تليد او حافظين(ن) وقاره
واليوم عشنا لأمن في ظل لأيمان=عصر التفاهم وازدهار الحضاره
وأكبر حدث قد مر في عصر لأنسان=أحداث سبتمبر ببرج التجاره[/poem]