وعليكم السلام ورحمة الله وبركاته أرحب يا الملاطي يا ابن العم الكريم أبشرك ما في الخاطر شي وأنا أشكرك على مشاركاتك القيمة وليتك مثل ما عذرت بني هاجر في انتسابهم لعبيده في بعض الأزمان أو في بعض الأماكن عذرت بني عمك آل داود في نجد في انتسابهم لبني هاجر وانت قلت ان هذا الأمر موجود من عصر الجاهلية ولا غرابة فيه .
وعلى فرض صحة ما جا في مشاركاتك المموفقة ليش ما عذرتونا مثل ما نقلت عن عبيدة وبني هاجر أو الكيل مهوب واحد .
مع ان ما نعرفه وما ننقله عن آبانا وأجدادنا ان هاجر ماهي خاصة للمخضبة وآل محمد الا بعرف لاحق بعد ما رحلوا آل داود من الجنوب واستقلوا المخضبة وآل محمد بالاسم أكثر من ثلاثمائة سنة قبل رحيلهم للشرقية آخر القرن الثالث عشر الهجري .
فاللي ينسب آل داود لبني هاجر ياخذ بالعلم الاول القديم والعرف الجاري قبل عام التسعمائة هجري .
واللي يفرق بينهم ياخذ بالعرف الحديث بعد ما انفرد المخاضيب وآل محمد بالهاجرية في الجنوب .
أما الحق اللي ما نحيد عنه ان آل داود من بني هاجر قبل عام 900 هـ والقديم عديم .