رد : مثــل المستحيـــل,,؟؟
أخر عباراتي وداع .. و آخر مشاويـري رحيـل
جيتك و بي لفحة ضما و أقفيت كبـدي ناشفـه
أصعب كلام أصعب خبر صرخه عقب صمت طويل
مثل الهدوء اللي سبق لحظـه هبـوب العاصفـه
و انتي بمتناول يدي .. تبدين مثـل المستحيـل
في عشرتك صوت العقل يقتل طمـوح العاطفـه
الحب ماهو كل شـي اليـا وقـف حـظٍ بخيـل
قلوبنا مثـل العسـل بـس الظـروف مصالفـه
لا للندم .. لا للعتب . أو شي مـن هـذا القبيـل
و انتي ما جا منك خطـا حتـى تقولـي آسفـه
من غير استسلمي .. و استلهمي صبـرٍ جميـل
و لا تسأليني وش جرى مالـك بطـول السالفـه
قولي لهم يا عزوتي مـا عابنـا مـوت النخيـل
اللـي يوافيهـا الأجـل و تمـوت لكـن واقفـه
آخر عباراتي وداع .. آخـر مشاويـري رحيـل
جيتك و كبدي ناشفـه و أقفيـت كبـدي ناشفـه
نايف يانايف انت ابو الابداع فديتك ياليت ماتغيب عنا ونششوف مشششاركاتك كلها هنا لاننا نحب الابداع اللي مثلك بارك الله فيك دام لنا قلمك ياجزل لاهنت