الموضوع
:
كتبت بقوقل ايميل احلى واحد بالنت طلع ايميلك
عرض مشاركة واحدة
23-01-2010, 12:23 AM
#
1
ابو احمدالرشيدي
عضو فضي
تاريخ التسجيل: Feb 2007
الدولة: قحطاااان
المشاركات: 2,301
كتبت بقوقل ايميل احلى واحد بالنت طلع ايميلك
]
منقووووووووووووووول بس وناسه
فعلاً ان المحادثات ماسنجر وبالنت
اكبر دباشة و سخااااااااااافة
يمارسها المراهقين دون وعي
أقرا الموضوع وتفهم قصدي
هذا طال عمركم الفراغ ومايسوي
اليوم كنت جالس بالصاله وطفشان وافر القنوات ولا عندي شغله ولا عمله
لاني طفشت من الجلسه بالفوق قلت انزل تحت شوي وناسه
الا ذا لاب توب تركي حبيب البي ابو الغباء ... يالله يامليونير ش ورانا خل نقلب الجهاز
وش فيه وش مافيه
فتحته وعلى طول طبعا دايركت على سجل المحادثات
ياحبيبي مسوي عليه قفل .. لاجد الولد طلع ذكي جربت اكتب اسمه للاسف مافتح
قلت خل اجرب تاريخ ميلاده طبعا من شباب 1414 يعني امس جاي
مانفع صراحه جاء ببالي احط رقم جواله بس قلت مهو بمعقول يوصل لحد الغباء ذا
صح هو دلخ وهايبر غبي بس ان باسوورد يكون جواله ماعتقدت
وللاسف خاب ظني فيك وياغداره
[FONT='Verdana','sans-serif'][/font]
طلع الباسسوورد جواله <<< تلوموني فيه هايبر دلخ
فتحت السجلات
على طول على ايميلات البنات خل اشوف اخوي وش مهبب
فتحت اول محادثه
يسولف معاها واخلاق مسوي طبعا الغبي ازعجها بالتنبيه شكلها اعطته بلوك
الثانيه مافيه ولا كلمه لها كله كلامه هو
شكلها ساحبه على ام امه وهو للحين عنده امل
الثالثه داخل جو معاها وسوالف
يازين سوالفه
[FONT='Verdana','sans-serif']
[/font]
اوخص قايل لها انه بالخطوط السعوديه وكل يوم بديره وهو بثاني متوسط جيم
وانه نحيف ووسيم وهو 2 متر بثلاثه كنه زوليه مجلس
الزبده انه داخل جو ويفقش عليها وهي تفقش عليه وكل واحد مصدق الثاني
يازين سوالف المتوسطه بالايميلات كل المحادثه سمعتي اخر نكته وهي سمعت اخر نكته
واليوم الابله قالت لنا وكلها برب...و امي تناديني وابوي يناديني ولحظه اخوي يبي الجهاز
سوالفهم كلها اخر نكته وبرب
او تقول طفشانه وابي اتهاوش معك
حزني اخوي بعد كبدي قلت ليه يامليونير ماتسوي ايميل بنت وتعطي اخوك جوو
ومنها تحطها تحت بند صله رحم << فاهم صلة الرحم خطا
واسوي له ذاك الايميل اللي تخق من الاسم بس
ويقبل الاضافه
طبعا مسوي ثقيل من معاي ؟
قلت نوره بعد جبدي انت
من وين يانوره
نوره : من النعيريه <<< اوخص يالديره
تركي : طيب كيف عرفتي ايميلي ؟
< مايعوقه شي
كتبت بقوقل ايميل احلى واحد بالنت طلع ايميلك
طبعا الهايبر صدق
نوره : ممكن اعرف اسمك ؟
تركي طبعا مسوي ذكي مايقو ل اسمه يسمع بفضايح النت قال اسمي فهد
قلت خساره مو بحلو الاسم من خطك شكل اسمك تركي
تركي : قال لا يدلعوني تركي < مسوي يرقع
نوره : الله حبيتك تروكي
هو بس سمع حبيتك جاي مطفي النور
اقول تروكي ممكن اسال سؤال
تفضلي
كم عمرك
قال 2
[FONT='Verdana','sans-serif'][/font]
4 سنه
( ياحبيله هو 16 سنه )
نوره : الله احلى عمر عمر الشباب ذا وااااااااااافديتك انا احب العمر ذاا اكثر منك
تركي: شكرا انتي كم عمرك
نوره : 20 ويدلعوني 22 ككككككككككككككككككك
تركي : العمر كله
نوره : اقول تركي ممكن طلب . امي طلعت من العصر ولا بعد رجعت ونبي نكلمها وخلص الشحن
عشان تجيب معاها شاني فسحة لاخواني بكره بالمدرسه < على بالي اخليه يحزن علي
ممكن يعني ممكن
تركي طيب كلمتوا 999
نوره :
<<< جلطه وش ذا الدلخ ليه هي سياره مسروقه اكلم الشرطه ياخي افهم
تركي : وش افهم كلموا البوليس ( البوليس = مسوي ولد بريطاني راعي لغات الدلخ )
نوره: يووووه تركي خلاص افهمني ماعندي شحن
تركي اها بس ماعندي
نوره : ياخي دبر عمرك خذ من بوك مليونير واشتر فيها يعني ترى ذي عوايدك مو باول مره تسويها
تركي : يؤ وش عرفك باخوي
نوره : < جابت العيد ياخي حسيت كذا دايما يقولونها بقناة بدايه الذئب البشري والشحن < على باله يرقع
( وبخمس دقايق وهو مرسل الشحن )
<<<<<< عصب يخرب بيته الدلخ اثاريه صداق من اول سطر يجي على وجهه
نوره : احوبك ياتروكي وربي راح ادعي لك برمضان بالتراويح السنه الجايه وعد وعد < ويحرك اصبعه على رقبته قسم
تركي : طيب نوره ممكن اشوفك
نوره : يؤ تركي عيب عليك انا مثل اخوك قصدي اختك ترضى تشوفني بسرعه واحنا مابعد عرفنا بعض ولا طلعنا مع بعض
ولا تقابلنا ولا اعطيتك بوسه اسلاميه شريفه << يخققه بهالسوالف
تركي : <<< سعبل ايه صح لا مايجوز على طول
نوره طيب اسمع تركي خلاص بفتح لك الكام على اصابع رجولي يكفي ؟؟
تركي : ايه يكفي بس اهم شي اتاكد انك بنت
[FONT='Verdana','sans-serif'][/font]
( وافتح له الكام على رجولي ) وانا ميت ضحك
قال حلوة رجولك بس ليه كذا كنها رجل ولد ؟
نوره : اووه ماي قاااد يا الهي تلاعبت بمشاعري جرحت كبريائي خدشت عذريتي طحت من عيني بعد ماكنت غالي
هذا وانا مسكينه ويتيمه وامنا مهي فيه وجالسين لحالنا ونخاف الذئب يجينا يارب سامحه يارب لاتدخله النار خلاص انا سامحته
اهيء اهيء اهي خلاص خلاص خلاص وقول فرقنا القدر
تركي : لا امزح معك تكفين اتوب وربي
نوره طيب احلف ماتقولها لي مره ثانيه
تركي وربي احلف
نوره ماتقول شي
تركي ايه خلاص اتوب
حتى لو لي شنب عادي
تركي : ايه عادي بقول خلقت ربي وش فيها
<<< ميت ضحك عليه
طيب بوريك صورة ابوي انا اشبه ابوي
تركي ايه عادي اشبهه الخالق الناطق ( ياقدم الكلمه كككككككككككككك )
تركي حتى انا اشبه امي
نوره : يؤ امك اجل شكلك خكري وراعي كدش وطيحني
وع وع وع ماحبك
احب الولد الوسيم بس يكون طعس
تحبين الطعس ؟؟؟؟
نوره : ايه تكون طعس مرتن بالحيل اذا شفتك كني شايفه مناحي بقذلته اللي ادوخ معاها لاقام الهوى يلعب فيها كذا احبك واوعدك نستمر طول العمر واطلع معك لو تبي على طعس وناكل تراب بعد
تركي : طيب اهم شي ماتزعلين ياقلبي
[FONT='Verdana','sans-serif'][/font]
نوره ؟؟
لو سمحت وش ياقلبي .. لو سمحت احترم نفسك انا بنت ناس ماارضى هالكلام الفاجر تقوله لي
انا بنت مؤدبه مالي بسوالف قلبي مو تخق وتقول قلبي
لو سمحت احترمني احترمك انا مثل اخوك الكبير كككككككككككككككككككككك
<<< ابوك يالعصبي كككككككككككككككك
تركي : خلاص نوره اسف اتوب مااقولها بس لاتعصبين علي
نوره : طيب ياقلبي ولا يهمك اسفه عصبت عليك <<<<متعمد يقوله قلبي بيسوي ضغط على نفسيته
تركي : نوره ماطلبتي صورتي ليه
نوره : لا مايهمني صورتك اصلا كل الشباب مثل بعض خايينين
<< وش دخل الخيانه بالصورة
تركي: طيب شوفيني يمكن اعجبك
نوره : طيب
<<<<<<<< يفكر وش بيحط صورته
الدلخ بيحطها من جد ؟؟؟؟
تركي : هاه طلعت
<<<<<<<<<
طارت عيونه يلعن ابليسك يالحمار اثاريك مستلم صورتي عرض بالماسنجر
<<< بغي يروح له ويجلده لين يتفل العافيه بس مسك اعصابه
نوره : لا وع وش ذا الشكل الطعسوني لا وخره وخره
ولا اشوفك مره ثانيه تحطه
ترى اتحت لك تحت وافقع وجهك بالكيبورد مو بحلو اصلا
[FONT='Verdana','sans-serif']
اهداء
[/font]
انا احب الولد الدب المتين
<<<<<<< معصب يعني افهم حط صورتك لاعاد تحط صورتي
تركي : طيب وش رايك بهذا ؟
نوره الله فديت انا الخدود المنفوخه والجسم الهلامي ياحبنيله اموت فيه ايه هذا اللي ينحب مو بالعصل اللي من شوي
تركي : ايه انا بعد اقول كذا
نوره : اهم شي لاتنسي ابيك طعس بثوب بني وكل كلامك ابك ابك عشان هالكلمه تخليني اخق وانا لابسه قميص فوشي واتخيلك عندي
نوره : باي تركي امي جت شكرا لك ياصديقي الالكتروني
تركي : باي نوره فمان الله
ومن ثاني يوم يقلب تركي حبيب البي طعس ماصار قبله ولا بعده طعس
ثياب كلها بنيه وصار اهتمامه قناة الساحه 1 والصحراء
وبل بل بل الى مالانهايه
[FONT='Verdana','sans-serif']
[/font]
__________________
[frame="7 80"]
إذا شئت أن تحيا سليما من الأذى
و حظك موفور و عرضك صين
لسانك لاتذكر به عورة امرئ
فكلك عورات و للناس ألسن
وعينك إن أبدت إليك مساوئ
فصنها وقل يا عين للناس أعين
و عاشر بمعروف وسامح من اعتدى
و فارق و لكن بالتي هي أحسن
[/frame]
التعديل الأخير تم بواسطة ابو احمدالرشيدي ; 23-01-2010 الساعة
12:26 AM
ابو احمدالرشيدي
مشاهدة ملفه الشخصي
إرسال رسالة خاصة إلى ابو احمدالرشيدي
زيارة موقع ابو احمدالرشيدي المفضل
البحث عن كل مشاركات ابو احمدالرشيدي
