مجاراه بين الشاعر/ مهدي بن عشيمان الحبابي و الشاعر /حسين بن معوضه آل ملهي الحبابي




[poem=font="Simplified Arabic,4,black,bold,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"]
ياحسين الله يجيرك من الهرج الـردي=مالقيت اللي تنومس علومـه مالقيـت
كل مانويـت أسيـر مسـا وإلاغـدي=اعتبرت الدار والجار ميت وشبه ميـت
لاسـلام ولاكــلام ولاكــف نــدي=هرجها من خرجها مثل صوت البسكليت [/poem]


رد بن معوضه:



[poem=font="Simplified Arabic,4,black,bold,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"]
قبل رد القاف منـي وقبـل إن أبتـدي=اطلب الله دايـم الـدوم لامنـي بديـت
بعدها يامبعد سهيل مـن نجـم الجـدي=مثلك وشرواك حايز على سمعه وصيت
قبل أقوله يالشلي ويش قال المسـردي=لين فاح العود الأزرق علينا من الكويت
واختلاف الناس ماهو غريـب يامهـدي=أيش جاهم يابيض الوجه والله مادريـت
أنـت لاتستغـرب علومهـم يامسنـدي=ليتني مع بعضهم لاخذيـت ولا عطيـت
كنت احسب أن ذا ابن عمي وهذاك ولدي=وتالي يابومحمد مـن الربـع اكتفيـت [/poem]


بن عشيمان:



[poem=font="Simplified Arabic,4,black,bold,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"]
الرساله نبهتنـي وأنـا فـي مرقـدي=بعد وقت الظهر وأنا على كوعي غفيت
وأعترضت الرد كامل بجَدي واجهـدي=واعتبرت الرد مقنع وهذا اللي هقيـت
بيض الله وجه من رد ني قبل أعتـدي=واستغفر الله من اللي على بالي نويت
ياحسين أحسنت وأنت الحكيم المقتدي=بالمعرفه وأنت نبراس رأس ماهفيـت [/poem]


بن معوضه:



[poem=font="Simplified Arabic,4,black,bold,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"]
بين هًوز يابو عايض وحـرف الابجـدي=أتخيـر بـاب الأشعـار لامنـي بـديـت
لكن من باب صنعاء إلى ميناء الاحمـدي=ومن بحر جده في العرض لي قمة حفيـت
والله مايوصف بشعـرك كـلام يجمـدي=من زعل يزعل ومن رضي يرسم بيت بيت
والعرب تعتز ياشيخ باأبيـض واسـودي=وأنت لازم تنتبه كـل مابعـت وشريـت
وقبل أحرر لك كتابـي وأوقـع مشهـدي=الله يقـدي بسهمـي لامـنـي رمـيـت [/poem]


بن عشيمان:


[poem=font="Simplified Arabic,4,black,bold,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"]

كل وقت لـه رجـال وأنـا متعـودي=اعترف بالحق حتى ولوأنـي نسيـت
وأنت هيضت القريحه وأنا في مسجدي=لاإله إلاالله اللي على حكمـه رضيـت
وأن رجعنا للحقيقه وغايـة مقصـدي=بندر بن سرور له بيت في ذلك وهيت [/poem]


بن معوضه:



[poem=font="Simplified Arabic,4,black,bold,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"]
تو موج البحر الاحمر لـزوم أصمـدي=وأحمد الله كاني من بعد موجـه نجيـت
ومايطب البحر كون الفطيـس الابلـدي=وأشهد أني ياسنافي على روحي جنيـت
وعد ماتبرق بـروق الخيـال وترعـدي=وعد ماروحت ياشيخ للمسجـد وجيـت
والتحيه مـن ضميـر ماهـو بملـددي=وأن كان ماشابت قوافيك أنا والله أنتهيت [/poem]



لله درهم