هذه القصيده موجهه الى الشاعر الكبير : عبدالله بن فرج العلياني (عاصي الشعراء )


زان القصيد وقلت ياسرع ردي=يستاهل التمجيد نسل الميامين

يوم البرى بين القبايل يردي=انتم هل الجدعا كعام المعادين

وين العجب مادام جدك وجدي=جحادر(ن) في نجد تصدر قوانين

يامرحبابك عد مااغتاظ ندي=وعداد ماجملت ناسً عزيزين

أنتم حزام(ن) في الشدايد يشدي=درع(ن) لنا لامن غدى الليل ليلين

يابوفرج بنجيب منها ونودي=تعجز حروفي عند وصف السلاطين

القاف شاب وصحت ماهوب ودي=ياعزوتن نفخر بها سنين وسنين

__________________