السلام عليكم ورحمة الله وبركاته
الهماااام بفتح الميم الاوله عجل
احياك رافقني تعال معي ..الخ
تعال دونك
تزحزح شوي: انفهق وراك شوي هههه هذي تقال لقد المكان الي انتم فيه ضيق
يملص : يزلق مثل الدموسة لاقدك ماسكه فيدك
ضعراط ( جمعها ضعاريط هذي لاتقوله لخليجي مافهمك لانهم الظاهر يسمونه زهيوي) كتبتها لاني ملاحظ ناس واجد مايعرفونه وهو اسم عبارة عن ضب صغير يتكاثر تحت اللمبات وعلى الجدران بس الفرق بينه وبين الضب انه مايوكل بل يعتبر نجس كالصراصير الله يكرمكم ولامنك ذبحته قام ذنبه يبترم يقال ان السبب انه يلعن الي ذبحه والله العالم هههه
قطور : من يتقاطر : مثلا يتقاطر النصع. تقال للشخص المتمرس في الرماية (الله يرحم ايام النطيبات
)
اما حبى ولا برك : مثل يقال للشخص الي ماعنده شيء اسمه وسط!! يعني على قولة المصارية ياابيض يا اسود : )
جفش : هذي كلمة فيها تصوير ابداعي هههه تقال لوصف وضعية الجلوس من التعب او التكاسل
دغفه : مسك له شيء بسرعة خاطفه وبقوة.
في النهاية عندي كلمة وبشوفكم تعرفونها ولا لا (مع انها معروفه ونستخدمها من يوم حنا بزران) ...... اجغده!! ........
في انتظار ردودكم ياشباب....