السلام عليكم ورحمة الله وبركاته



[poem=font="Simplified Arabic,6,black,bold,italic" bkcolor="transparent" bkimage="backgrounds/18.gif" border="double,medium,gray" type=2 line=0 align=center use=ex num="0,black"]
بديت باسم الواحد المتعالي= والي وعرشه في سماه العالي
هوربنا اللي لااله غيره= سبحان رب نزل الانفالي

من عقبها واللعب زان فنونه= وبترجم الفكره على موالي

من فكري اللي صاغها بلحونه= صوغ الذهب بالوزن والمثقالي
ببيوت شعر(ن) تطرب اللي يوحي= واعدها مثل الجنيه الغالي
وبذكر هل الطولات واللي منهم=الطيب اللي يحتمي للتالي
شجيع راس في الملاقا صامل= في موقفه مايسمع العذالي
واللي كريم طبع ابوه وجده= كريم سبلا لالفوا الهشالي
عوايده جزل الكرامه دايم = ويفوز بالعليا مع الابطالي
له مجلس(ن) رحب على مد ايده=عطب الضرايب مجلسه مدهالي
واللي حكيم الراي وقت اللازم= الى نشبوا في المشكله جهالي
لاشبها جاهل غشيم ضايع = ونشبوا صغار القوم والعقالي

يحلها بحنكه وراي صايب= ومن طيب راسه للنشب حلالي
رايه سديد وهرجته موزونه=وعند النشاما دوم سهمه عالي

ومنهم كريم اخلاق يكرم جاره =وللجار في سلم العرب منزالي
الجار وصى به رسول الامه = ولولا المشقه ورثه في المالي

واللي وصل في ارحامه وقدرهم= يخفض جناح الذل خوف الوالي
هذاك يبشر بالسعاده والله= واجره على اللي يازن الاعمالي
فمن قدم الحسنى فله ماقدم= من فعل والآ طيب الاقوالي
ومنه قصر ماني بناشد عنه = وفاله عسى يارب ماهو فالي
وانا احمد الله يومني من لابه=هواجر تضرب بهم الامثالي
هواجر من عصر نوح الاول = عدوهم منهم يجيه جفالي
الجار يآمن والضيوف تقلط = على الكرامه والعلوم جزالي
من راس سلطان العبيدي ساسنا= قحطان من هو هازها ما احتالي
وكل القبايل وافيات حقوقهم = والطيب قسمه من عزيز والي
وصلوا على محمد رسول هادي=عداد ماهل المطر همالي[/poem]

وسلامتكم