حتى ايش لو اشكي لك الحال حتى ايش
حتى ايش لو اشكي لك الحال حتى ايش
تشره علي لا قلت لك حالتي ماش
لكـــن باعلل لك الوضــــع بشــــــويش
صدر القصيده ايش والعجز في آش
مانيب شاكــــي قلـــــــة المال والعيـش
لكن باشكي حسرتن داخل الجاش
لاتقـــــول بعـــد الشــرح ياصاحبي ليش
فقول مات القرم يـوم الردي عاش
الباسقــــات الخضــــــر منتوفة الريش
عقب الخضار اللي له العقل ينداش
الله واكبــــر يازمـــان التطانيــــــــــش
والله يقلـع رفقة النـــــذل واللاش
سقت القصـــيده لك وسقت المطاريش
شرواك يابراهيم ماعاد يناش
يابن مريـــــع فتش القـــاف تفتــــــيش
تلقى لبو بندر تفاكير حشاش
لو لا الامـــــل بالله والله ماعيـــــــــش
والخيرفي رجواه ماهوب منحاش