يا راكب اللي جديد الصنع ياباني=ميزات كامل خليجي مالك إلا به

الشاص الألفين و السواق (قحطاني)=و الحمل بأذن الله إنه يوصل أصحابه

خمسين عطف و خمسين ألف عمّاني=ما حمّل اللي يسود وجه من جابه

حوّل مع الجوف توّه موتر ثاني=يمسح ولا شاف طقم العسكر أغوا به

يهرب لهم شرق صوب بلاد (سنحاني)=و راعي الحمولة سرا تثليث و هضابه

يبغا يعشي عياله طير حوراني=يوم الردي طاب نومه و الخطر هابه

على شعاع القمر مسرا كحيلاني=النور مفصول و الرمي على بابه

قال لخويه ترا إن كان الله أحياني=ما أنمسك لو على ذا الخط دبابه

لعيون من عودها ناعم و رياني=نقضي غرضنا و كل ياخذ إحسابه

و إن صار شي من الله فالعمر فاني=في ساعة كاتبن الله في كتابه

هذا و أنا من رجال تمن الجاني=اللي وزاهم بدور الصلح طلابه

أيام عاد العرب ذربين الأيماني=كلن يعيي على حقه بمشعابه

الأقراب أقراب و العدوان عدواني=تفرح بغرامك الطيب تذرا به

يا ناعس الطرف يا مدعوج الأعياني=حب الغنادير بالواو أبتلينا به

يا ناعس الطرف فيك الزين فتاني=لا شافك اللي يحسب ضيع حسابه

__________________
BrB

Final Exams


عدم تحديد الاهداف ورسمها بدقة

يؤدي الى آنية التفكير وموسمية العمل

وهذا هو الارتجال بعينه

وينشأ عادة من النظرة السطحية للأمور

والوقوف عند ظواهر الأحداث دون النظر في أسبابها وآثارها