يابن العم ابن داوود الهاجري : الملاطي قال في مشاركة سابقة انه ماهوب من آل داوود وانه ابن عم وليته يوم عرف حده وقف عنده وآل داوود يصلحون فيما بينهم هو ما قصر قال اللي عنده ولا له بالغثا مشكور ومجمل .

وانت يالملاطي عرفنا اللي عندك والخافي عليك اعظم خلك في آل ملاط من شان نستفيد منك جزاك الله خير واللي تشوفه من محاورة بين آل داود بادية وحاضرة زبدته تظهر وتسرك ان شا الله .


أما كلام الجاهلية عن المغازي في رد الداوودي ع فجوابه : الحمد لله اللي كفانا وكفاك بحكم الشريعة وخدام الحرمين الله يعزهم بطاعته ولا يحوج آل داوود في نجد لا لك ولا لجماعتك وآل داوود اهل الحوطة مزبن لربعهم في حاجاتهم وسوق دياتهم ولا هوب قصور في ربعنا اهل حريملا كل منا يكمل الثاني ما لنا الا ربعنا الله يعزهم ولا لربعنا الا حنا الله لا يحوج الجميع الا لوجهه .

اما الكافي فهو رب العالمين وعساك تكفي نفسك يا الداوودي ع وجماعتك واما آل داود في حريملا والحوطة لهم اكثر من خمسمائة سنة من تركوا دياركم وين بتكفيهم انت والا غيرك ابشرك حكموا جماعتهم ورحلوا وهم حكام ونزلوا مع بني تميم في الحوطة وهم حكام ونزلوا مع آل ابو رباع من عنزة في حريملا وهم حكام ولو عرفت منهم كبارهم في الدولة مسؤولين ومشايخ ومفتين وقضاة وغيرهم لو عرفتهم عرفت ان مثلك يحتاج لهم وبيكفونك اما انت في مكانك فلا لهم حاجة بك الله ينفع بك ربعك .


اما انا اقتدي بصغير جماعتي مثل كبيرهم لانهم كفو من يقتدي بهم علم وعقل ولا فيه منهم من يعيش بعقلية الجاهلية السلب والنهب وغزو المسلمين لا في حاضرهم ولا في ماضيهم هم اهل امارة وتجارة وحضارة .


وان كان احد يكفي احد فانا كفيناكم يوم انا في ديارنا في الجنوب ويوم رحنا كفينا انفسنا ما احتجنا لاحد من اهل الوادي ومن عز في عز ولله الحمد

ولا تنسى يا الداوودي ع اني انا كاتب الموضوع الاصلي ولا شاركت في غيره مهوب انا اللي يعترض كل صوت لان المعترض هو اللي يحشر نفسه في شي مهوب له دايمه دالع لسانه بحق وبباطل بعلم وبغير علم .

ولا اظن الداوودي ع من آل داوود بني هاجر لانا نعرفهم اهل علم وحلم وأدب شف كلام ابن داوود الهاجري حتى تعرف الأدب ولا فيهم هافي ولا جافي مثل ما جا في كلامك يالداوودي ع في الذيب المعترض لكن هذا يعطينا انطباع ان كلامك في داوود يمكن يكون صحيح فيكون داوود بني هاجر غير داوود ربعك يالداوودي ع والله يهنيك بجماعتك اهل المغازي والمحافل