المشاركة الأصلية كتبت بواسطة سعيد القير

[poem=font="Simplified Arabic,5,black,bold,normal" bkcolor="transparent" bkimage="" border="solid,thin,darkred" type=1 line=0 align=center use=ex num="0,black"]
تنحني روس العبيد وروس سادات العبيدي=للإله اللي رفع سبع السماوات وخلقها
ياقريحه اطلعي بي فوق لابداع القصيدي=واطرقي جزلات هرجن ماحدن قبلي طرقها
شاعر ودمي مشاعر بين قلبي والوريدي=افتل ابياتي وجزلات المعاني في شنقها
ياعذابي يازمان الغلب والوقت الشديدي=وياعذاب اللي لياشاف العذارا ماعشقها
شفت في الدنيا دروس وخذت منها مايفيدي=واعتبرت امن الوجيه اللي تغبي لي حمقها
لعنبو خوة قليل المعرفه ولا البليدي=كل كلمه في هجوسه لا بغا ينطق نطقها
لو يحسب للرجال اهل العقول ويستفيدي=كان ماقلط معازيبه وعشاها عرقها
ياوجودي وجد مظلومن ورا صلب الحديدي=طول افراجه وقيده ومنياته مالحقها
ماينال المرء في الدنيا على .مايريدي=مير كني فاقدن لي سلعتن ماحدن سرقها
من فقد له صاحبن ولا اخو ولا عضيدي=شجرتن ماتت ضما حت الزمن الاقشر ورقها[/poem]

اخوكم/ سعيد بن فالح ال قير