السلام عليكم ورحمة الله وبركاته

حليب الاطفال : أي حليب البقر المجفف غالي جداً وفوق ذلك مضر وأصبح بديل للرضاعه الطبيعيه
في مجتمعنا سمعنا بثلوث بعض أنواعه سايقاً واليوم تحذير جديد من أنواع أخرى ، هذه الابيات أتت
بعد قرأتي الخبر يعني كيبورديه أقبلوها كما هي أجبرو نقصها وأعذرو خطأها
بلطفكم لعجلتها فالهدف كان أسمى .


[poem=font="Simplified Arabic,5,black,bold,italic" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
يادبل كبدي من حليب القوطي = لا رحم ابو من ورّده مغلاه
بالبستره والبودره مخلووطي=واليوم ياِشين الخبر شيناه
على التلوث والخطر مضغوطي =فيه المرض ويهدد الحياه
وعيالنا تشرب بدون شروطي =والورع لاشربه يزيد بكاه
ويصير فيه من الفصيله خوطي =وإن كبر يقسى ناظره وحكاه
وليا نخيته بارد ومطموطي =لايشرح الخاطر ولايجلاه
كنّه على مشيٍ معك ملقوطي =وإن جاوب الداعي يجيب بهاه
تحرص عليه وتنصحه وتشوطي =وتعلمه ويضيّع الوصاه
خفيف عقل ولاهرج خربوطي =ولا يبيّض وجه من رباه
هذا الحليب اللي عليه شخوطي =دلّه على طبع البقر وأعماه
قلته وحرفي هادف ومنقوطي = ولايعم اللي هداه الله
الخير فيهم والعطاء مصفوطي =والله يثبتهم على تقواه
لكن سؤالي واضح ومشروطي =إيهمني وابغى العرب تقراه
ليه الرضاعه من حليب القوطي ؟=يا أمهات الجيل يا أباه!!
والكل منّا بالنّعم مغبوطي =ماهوب مكلوفٍ على خلاّه
حليب الام بحكمته مايوطي =إلا معه حب وشفا ودفاه
واللي على در البقر مشطوطي =عند الضروره بايحه مولاه[/poem]

الله يحفظكم