شبكة قحطان - مجالس قحطان - منتديات قحطان - عرض مشاركة واحدة

24-09-2005, 12:07 PM

عضو

تاريخ التسجيل: Jan 2005

المشاركات: 53

ولـد ام القبـايل is on a distinguished road

لاهان جميع من شارك وبيض الله وجه ولد النايب بطرح ذا الموضوع الي فيه الحكمه والفكاهه خاصة المطلول اعجبتني امثاله وفيه حفظ للمورث الشعبي لدى قبائل قحطان فبيض الله وجيهكم .

واحب اشارك بذا الامثال وانشاءالله اني اتحرى فيها قحطانية المثل والمفرده

اذبح الرفيدي ولا تحاجه :- وذلك لما لدية من قوة الحجه وفصاحة اللسان .

الي مايفازر ماهوب اجحلي :- وهذا يقال في قبيلة آل الجحل وافرادها جعلني فداهم وفدى مفازرهم الصامل :020104_em .

الشق اكبر من الرقعه :- يعني مايفيد الترقيع شين يترقع وشي مايترقع .

تحايت القعدان حتى جريبه :- حينما ينطق الرخوم .

بعيرنا اعمى وقواده خبل :- .

عريان(ن) يطرد موزر :- يعني المربوط حول المنفلت لووووووووووووووول .

من بحث زبية الردى طاح فيها :- يعني من حفر حفرت(ن) لأخيه طاح فيه اخووووووص يا انا راعي فصحى .

في تيصيقار الصقر قد مع الهدهد ولد :- يقال لضعيف الهمه فاتر العزوم .

البادي في لثويل :- البادي يعني اعلى واحد في ذا القوم في لثويل وهي ادنى الارض :020104_em .

جلد(ن) ماهو بجلدك جره عالشوك:- وهذا المثل يقال في وقتنا الحالي للي ياخذ موتر خويه وما يخلي به دحل .

غصب(ن) تحج البل :- يعني امر لا بد من فعله.

اما بعصا فرعون ولا بعصا موسى :- يعني كذا ولا كذا .

من فاته البر يرقد فالتبنه :- تكرمون والمعنى واضح .

يستاهل البرد من ضيع لحافه:- ولا ياعنا الي صخافن جنوبه .

قال من انت منه يافلان قال من هل حرمتي :- هذا لرجال الي يحب حرمته غير مره << الحرمه الي تسوق .

ابطيت ياذا الريع ماجى معك ناس=والقلب يبس وهلت العين ماها
بيت شعر دارج عند جميع قحطان

وسلامتكم

ولــ ام القبـايل ــد