السلام عليكم ورحمة الله وبركاته

اسعد الله مساكم وصباحكم بالخير

هذه قصيده احببت طرحها بين يديكم

وعسى ان تنا اعجابكم لا اريد ان اطيل عليكم اترككم مع القصيده


[poem=font="Simplified Arabic,5,black,bold,italic" bkcolor="transparent" bkimage="backgrounds/6.gif" border="outset,medium,black" type=2 line=0 align=center use=ex num="0,black"]
ياوقت راسي منك كله غدا شيب=عزالله انك يازماني اعجوبه
شيبتبي والشيب حيه ولا العيب=وانا صغير السن والعمر دوبه
حول اربع وعشرين وان زاد تقريب=عامين والحسبه صحيح محسوبه
والله عجايب يازمان التعاجيب=لاجت عجوبه يقتفيها عجوبه
اشوف واسمع من كثير الهناديب=ونفسي على ماريد كنها مغصوبه
وليا فعلت الطيب في راعي الطيب=يلومني من لا يناظر عيوبه
خبل(ن) ماهو ضاري بفعل المواجيب=همه على الدنيا ما يملى جيوبه
لاحاسب لواجب ولاله محاسيب=بين الرجال اللي بالاسم محسوبه
وش عاد باقي يا زمان المناصيب=هذا زمان(ن) كل عاقل يشوبه
قام الثعل يمشي على جرت الذيب=ويهوش من هوشه وينهج دروبه
وحتى الطيور اللي بليا مخاليب=اللي من اول فالهداد مغلوبه
يذكر لها فعل(ن) بروس المراقيب=فعل مسولفت المجالس حكوبه
ماعاد نعرف مخطي الهرج ومصيب=وقت(ن) تغير فيه حتى هبوبه
لعبتبي يا وقت ضمن الالاعيب=وخليتني بين اليدين اللعويه
وانا حفيد اللي لهم ينسب الطيب=قوم(ن) خلقها الله لقوم(ن) عقوبه
وسامة المغزل بحرش العراقيب=الله من قفر(ن) خلي رعوبه
بسود النياق الغاليات المهاديب=احداد الاذان وللمصوت طروبه
اعراض اللحوي مكملات المطاليب=تقضي اللزوم وفالمراح محبوبه
شواشة المطنوخ سند الغواريب=لاجاء نهارً والصياح ارفعوبه
اتنومس اهلها وبعض الاصاحيب=اللي لا شافوا ما فعلت افخروبه
والبل مكاسب من كبار المكاسيب=كسوبة(ن) يا طيبها من كسوبه
يا زينها لاجات عقب المغاريب=من روضً اخضر تو مالبس ثوبه
فيه الخزامى ريحته كنها طيب=تبعد هموم(ن) فالفواد محجوبه
تنصى لها عود(ن) يفك المناشيب=عود(ن) لياجاء مجلس(ن) رحبوبه
يحبها يومنها لها حباحيب=ولامن نادها تجيله رحوبه
ولا منها لاحت بروق السحاحيب=اما شمالي نجد ولا جنوبه
حنا لها الرعيان غصب(ن) بلا طيب=لا قام ولد اللاش يحسب ذنوبه
نتبع هواها وانتحدى الاصاعيب=يوم الردي يلقى معاها صعوبه[/poem]



وسلامتكم

اخوكم/ شاعر ال بديع

__________________