بين تركي بن حميد وعلوش بن مذكر بن عضيب
السلام عليكم ورحمة الله وبركاته
أترككم مع القصائد لتعبر هي عن نفسها
1- قصيدة تركي بن حميد رثاءا في اخيه علوش بن صنهات بعد وقعتهم مع آل عاصم :
[poem=font="Simplified Arabic,4,indigo,bold,normal" bkcolor="transparent" bkimage="backgrounds/39.gif" border="ridge,4,gray" type=0 line=0 align=center use=ex num="0,black"]
وبالقلب دقاق تعومس به الدواء=حار الطبيب بعلة(ن) ناقلينها
تشب السعاير بالضماير وتلتظي=كما هيش قصبا بالضوا مولعينها
أنا وا وجعي من بكرة هيضتني=في ليلة الجمعة تزايد حنينها
تجر صليب الصوت مما جرى لها=تجره من الوجلى وفرقا ضنينها
وتجرعت من عين سفوح تزايدت=كما مزنة غرا حقوق غشينها
على أخوي ما شفت الغضب في حجاجه=يقدم لها قدام يقدم ذهينها
عبد إلى أرسلته عقاب إلى شهر=نمر إلى جا الخيل فرق ضنينها
وش خانة الدنيا ولو رغبتنا=جربناها وناس قدمنا جاربينها
وزبنت من يمنع ولا عنه مانع=ربي عن الزلات نفسي يعينها[/poem]
2- قصيدة علوش بن مذكر بن جخدب بن عضيب وهو يخاطب الشيخ الفارس مترك بن عبد الرحمن بن حشر ويمدحه وذلك عقب المعركة السابقة :
[poem=font="Simplified Arabic,4,indigo,bold,normal" bkcolor="transparent" bkimage="backgrounds/39.gif" border="ridge,4,gray" type=0 line=0 align=center use=ex num="0,black"]
يا راكب حر عتق حول نيه=أشقر خفافه كنها صنعة قروش
ملفاك أبو مترك حما الدوبلية=حامي قطى الخيل من كل مدغوش
أبشر إلى جيته بفرش عذية=وفنجال أشقر يودع الراس منعوش
حييت ياراعي الجواد الشرية=لاهنت يا غمر عقرها بعلوش
حنا نكز الشيخ كز المطية=على ظهور الخيل ماهو ب مخشوش
وحنا بنرسل لابن لبده مطية=وحنا خذينا في جمل راس علوش
أبوي مايبغيك راعي رعية=يبغيك مقدم سربة تنطح الهوش
تطعن لعينا كل عفرا خلية=ترعا بطارف مهرتك غالي البوش
والا لعينا كل بيضا عذية=بنت تناوش شوقها حبها نوش[/poem]
وهذا البيت :
[poem=font="Simplified Arabic,4,orangered,bold,normal" bkcolor="transparent" bkimage="backgrounds/39.gif" border="ridge,4,gray" type=0 line=0 align=center use=ex num="0,black"]
وحنا بنرسل لابن لبده مطية=وحنا خذينا في جمل راس علوش[/poem]
كان قد قيل قبل إكتشاف أن قاتل جمل بن لبده هو المريخي الذي قتله غدرا ، فقد كانت قبيلة قحطان تكثر من الغزوات على قبيلة عتيبه للأخذ بثأر جمل ، وعندما يقتلون أحدا من شيوخ وعقدا عتيبه في جمل يرفعون الصوت ب : يا ثويرا جمل يا ثويرا جمل .
واستمرت الغارات حتى أرسل أحد شيوخ عتيبه إلى محمد بن هادي وقال له ترى دم جمل ماهو بعندنا ، اللي ذبحه هذا وصفه وهذا وصف حصانه وهذي عزوته ، وبعدها توقفت معارك الثأر في جمل بن لبده .
وعندها هرب المريخي وزبن عند الامام فيصل بن تركي ، وزبنه الامام في الجزيرة ، وبعد فترة أرسل الامام المريخات في وفد ودروا آل سعد بوجهة الوفد ، فذهبوا الى حيث طريق سفرهم وقتلوهم عن آخرهم وتركوا العبد ليعلم الناس بأنهم قد أخذوا بثأر جمل بن لبده ، وكانوا يعلمون بأنهم في وجه الامام فيصل بن تركي .
وصارت السالفة اللي غضب فيها الامام على قحطان وانهاها ابن قرمله بحكمته وشجاعته في ذلك الموقف ، رغم تحريض المطران والعتبان وبعض القبائل الامام عليه .
يوم يقول :
[poem=font="Simplified Arabic,4,orangered,bold,normal" bkcolor="transparent" bkimage="backgrounds/39.gif" border="ridge,4,gray" type=0 line=0 align=center use=ex num="0,black"]
اللحف يبغضني على لطم خده=ولوني هوين(ن) عليه صرت غالي[/poem]
يعني انهم يبغضوني وجماعتي بسبب الافعال التي فعلناها فيهم يوم يقول :
[poem=font="Simplified Arabic,4,orangered,bold,normal" bkcolor="transparent" bkimage="backgrounds/39.gif" border="ridge,4,gray" type=0 line=0 align=center use=ex num="0,black"]
وفعولنا بالضد كل(ن) يعده=يحكيه الاول لنسل التوالي[/poem]
عموما نعود للموضوع الاساسي
وبعد مقتل علوش بن صنهات قال تركي قصيدة كان يتمنى فيها لقاء آل عاصم و أن يكونوا قريبا منه ، وهي :
[poem=font="Simplified Arabic,4,indigo,bold,normal" bkcolor="transparent" bkimage="backgrounds/39.gif" border="ridge,4,gray" type=0 line=0 align=center use=ex num="0,black"]
ياراكب من عندنا فوق شقران=يلفي على شيخ نزل بالحظايف
يتلونه آل عاصم نجوع وسلفان=وطرش على رعي المخافة زهايف
لا واحسايف نزلته فوق بنبان=ليا بغى يندى بذيك الندايف
قطعاننا مابين كشب وفيحان=ما نشتحن لو حظبونا الحفايف[/poem]
فرد عليه علوش بن مذكر بن جخدب بن عضيب فقال :
[poem=font="Simplified Arabic,4,indigo,bold,normal" bkcolor="transparent" bkimage="backgrounds/39.gif" border="ridge,4,gray" type=0 line=0 align=center use=ex num="0,black"]
ياراكب من عندنا فوق ضبيان=يلفي لنا شيخ عديم الوصايف
كان أنت هازبنا بمنزال بمبان=دار الإمام اللي تجيها النحايف
مرباعنا بمحقبة لا خنق بان=يوم أنت مرباعك بركبة وخايف
ربعي هل الطولات ذربين الأيمان=خلوك تجشر مثل هرش مسايف
حدوك لين وصلت كش ومران=ونحوك من دار الرخى للذلايف
يغذى لكم خيل عريبات الأثمان=شيء مخاليف وشيء عسايف
وتر بعدنا أشلى لك من القرب لو كان=تر قربنا لك موردات الرهايف
أما نصيب دحيم والا إبن شبنان=والا أنت يا ريف الركاب النكايف
إلى ركبنا فوق قرنات ألوذان=عاداتنا فرق الإخوان الولايف
مع لابة سقم المعادي بالأكوان=بسرد وجرد بين قرح وعسايف[/poem]
أرجو أن تنال إعجابكم ، والسموحة على الإطالة والتقصير .
أخوكم إبن الأروق