المشاركة الأصلية كتبت بواسطة عبدالله ابن شايع الزهيري

[poem=font="Simplified Arabic,4,black,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
عسى يومي قبل يومك وروحي فدوة لروحك = يابو وجهٍ يشعّ النور منّه واتقدّابه
أكحّل بك عيونٍ تستمد الشوف من ضوحك =وأعيش بحسّك العامر بتقوى الله وأحيابه
أصح لصحتك وأفرح بها وأبوح من بوحك=وأضيق لضيقتك وأرضخ لحكم الله وأرضابه
عساها لك طهور ومغفره والشر مطروحك=يزيل الباس رب الناس عنك ويذهِب أسبابه
لاونْ العافيه تعطى نذر ماتقصر شبوحك=عطيتك عافية جسمي ودمّي وانته أولى به
تهون النفس من شانك وترخص لجل مصلوحك = على حب ورضاء يابوي مافيها ولا جابه
أقدّمها فدى وأرفع كفوفي وأشكي جروحك = على ربٍ كريمٍ دون خلقه مانقفل بابه
أساله يلطف بحالك ويرفع عنك ساموحك =ويجعل لك على الطاعه مديد العمر والثابه
وأشوفك مثل الاول يقصر المنعورعن شوحك=على درب الوفاء والطيب والمعروف وأصحابه
مشاعر صادقه عبّرتها والعز بصروحك=ترفرف رايته مادمت يا بابه ومحرابه[/poem]